Premier League është gati për të rifilluar sërish. Pas takimit të sotëm, klubet kanë vendosur që të rifillojnë më datë 17 qershor, ndërsa mediat angleze shkruajnë se datat e mundshme janë 19 ose 20 qershor.
Nuk ka ende një konfirmim zyrtar, por të gjithë janë të bindur që të kthehen në fushë e shumë shpejt pritet të vendoset përfundimisht. Kampionati pritet të fillojë direkt me dy sfidat e prapambetura që janë Aston Villa-Sheffield United dhe Man City-Arsenal.
Ndëerkohë, edhe Serie A do të rikthehet në muajin qershor. Tashmë pas takimit mes Federatës italiane dhe Ministrisë së Sporteve është vendosur që kampionati të mbyllet në fushë. Qeveria italiane ka dhënë miratimin e saj përsa i përket protokollit e mbeten vetëm të vendosen datat zyrtare.
Mediat italiane raportojnë se data 20 qershor është parashikuar që të rinisë futbolli duke i dhënë mundësi klubeve të stërviten. Ditën e nesërme pritet të bëhet zyrtare edhe kalendari me ndeshjet e Kupës që do të luhen mes datave 13-17 qershor dhe Serie A në 20 qershor.