Kjo është një foto prekëse nga ceremonia e lamtumirës që iu dha sot major Klodian Tanushit.
Miku i tij, rreshteri Julian Kapaj, i vetmi që i mbijetoi shpërthimit në Letoni, ka lënë spitalin dhe ashtu me paterica ka shkuar në ceremoninë e homazheve.
Rreshteri i ka dhënë lamtumirën e fundit kolegut dhe nuk ka fshehur dot lotët nga dhimbja e madhe e humbjes së majorit. Të ndjerët, Klodian Tanushi, Zarife Hasanaj, dhe rreshteri i plagosur Julian Kapaj ndodheshin në një mision të NATO-s në Letoni si pjesë e grupit të Kontingjentit të Asgjësimit të Municioneve dhe Lëndëve Eksplozive.
