Prej më shumë se 24 orësh flakët vijojnë të jenë prezente në Vithkuq, Korçë, në zonën e njohur si maja e “Jankës”.
Për shkak të situatës të rënduar janë shtuar forcat për fikjen e zjarrit, ku në zonë përveç banorëve të Vithkuqit dhe zjarrfikëses kanë shkuar dhe puntorët e shërbimit të njësisë administrative të Mollajt dhe Drenovës.
Ata po përpiqen të ndërhyjnë me mjete rrethanore për izolimin e vatrave aktive, pasi nuk ka rrugë për mjetet zjarrfikëse.
Zjarri nisi para 4 ditësh, ndërsa edhe pse u arrit të shuhej, u riaktivizua sërish, duke shkrumbuar bimësinë e kësaj zone si pishë e shkurre.