Socialistët kanë propozuar këtë të enjte një ligj për faljen e gjobave për ndërtimet pa leje. Ata kërkuan gjatë seancës plenare të sotme që ky propozim të kalojë me procedurë të përshpejtuar.
Ky propozim i mazhorancës ka sjellë dhe debate të forta në sallën e Kuvendit. Kanë qenë demokratët ata të cilët u shprehën se nuk kanë qenë në dijeni të këtij propozimi.
Bardhi: Zonja kryetare së pari Kuvendi nuk është kafene, e mbi të gjitha Kuvendi nuk është një sallë ku të talleni me deputetët nëse kjo kërkesë është depozituar ju lutem na e tregoni dhe na e vendosni në dispozicion. Kjo kërkesë nuk është depozituar sepse nuk u njoftua, nëse ju duhet kohë që të mblidhni firma e ta bëni Kuvendin nuk mund ta trajtoni si dyqan personal. Kështu silleni sipas rregullores këtë propozim, njoftohen në seancën e parë pas ditës kur ajo depozitohet sepse seanca sot ka filluar dhe nuk mund të njoftohet një kërkesë.
Spiropali: Bardhi ju lutem mos abuzoni është kërkesë e deputetëve me firmat e tyre. Mund t' ju njoftojmë dhe për orën. Ju lutem sekretarisë vendosjani në dispozicion kërkesën e 40 deptuetëve
Bardhi: Tregojë kërkesën. Ku e keni kërkesën. Ku e keni kërkesën? Tregojeni para kamerave.
Spiropali: Po patjetër, zoti Bardhi edhe njëherë mos bëni teatër me këtë çështje. Unë e njoftoja siç duhet sipas njoftimeve.
Bardhi: Ligjet nuk vijnë me sms. Tregoje. Gënjyet Kuvendin. Ik re pirdhu ti legen. Legen.
Spiropali: Ju lutem me fjalorin. Sapo ju thashë kjo procedurë do ndiqet pikë për pikë. Ju lutem sekretaria vendosjani në dispozicion dhe kjo zoti Barhdi nuk diskutohet në këtë pikë.
