Hapësire reklamuese

Politikë

U kërkua nga PS, Komisioni për Dezinformimin kalon të enjten për votim në Kuvend

Shkruar nga Newsbomb
U kërkua nga PS, Komisioni për Dezinformimin kalon të enjten
 

Përpos shumë çështjeve të tjera, në Kuvend ditën e enjte pritet që të kalojë për votim dhe projektvendimi për ngritjen e Komisionit të Posaçëm Parlamentar për Dezinformimin.

Ky komision është kërkuar nga Partia Socialiste dhe pritet që të ketë në fokus koordinimin dhe mbikëqyrjen e të gjitha përpjekjeve institucionale për të luftuar dezinformimin dhe format e tjera të ndërhyrjes së huaj në proceset demokratike në Shqipëri.

Kërkesa është firmosur nga 7 deputetë të PS-së, duke nisur nga kreu i grupit Parlamentar Bledar Çuçi, Mimi Kodheli, Klotilda Bushka, Damian Gjiknuri, Toni Gogu, Klevis Xhoxhi, Petro Koçi.

“Komisioni i Posaçëm duhet të kryejë një analizë të plotë të të gjithë faktorëve dhe fenomeneve për të vlerësuar nëse janë respektuar detyrimet ligjore në fuqi, në lidhje me transparencën në proceset demokratike, veçanërisht transparencën e financimeve në fushata zgjedhore, si dhe transparencën e financimit të të gjithë aktorëve dhe platformave që ofrojnë shërbime në sektorin e informimit publik apo veprimtari të tjera të ngjashme me to”, thuhet në kërkesën e PS-së.

Më 3 prill, Konferenca e Kryetarëve miratoi ngritjen e Komisionit vetëm më votat e mazhorancës, ndërsa më 11 prill, pritet të votohet në Kuvend.

 

Sondazh

Poll

Lexo gjithashtu

Hapësire reklamuese