Hapësire reklamuese

Politikë

Salianji njofton mbledhjen e radhës të Komisionit Hetimor të TIMS, ja kush e ka radhën për të dëshmuar

Shkruar nga Newsbomb
Salianji njofton mbledhjen e radhës të Komisionit Hetimor të
Pamje nga mbledhja e Komisionit Hetimor të TIMS

Kryetari i Komisionit Hetimor të TIMS, Ervin Salianji ka njoftuar mbledhjen e radhës për Komisionin. Sipas njoftimit të publikuar, mbledhja do të zhvillohet të hënën e 10 qershorit në orën 14:00.

Gjatë kësaj seance pritet që të dëshmojnë dëshmitarë të tjerë që kanë pasur funksione të larta në Policinë e Shtetit dhe që mendohet se kanë qenë në dijeni për rrjedhjen e të dhënave personale të shqiptarëve.

Dëshmitarët që do të paraqiten të hënën në Komision janë Ardit Muço, i cili ka mbajtur më parë pozicionin si Përgjegjës sektori i IT-së në Policinë e Shtetit, Besjan Tanuzi, që ka mbajtur detyrën Drejtor i Sistemeve në Polici, si dhe Ervina Gjana, aktualisht Drejtoreshë në sektorin e Krimit Kibernetik në Policinë e Shtetit.

Kujtojmë se këtë të mërkurë në Komisionin Hetimor të TIMS u paraqitën për të dëshmuar ministri i Brendshëm, Taulant Balla, drejtori i pergjithshëm në Policinë e Shtetit, Muhamet Rrumbullaku si dhe ish- drejtori i IT-së në Policinë e Shtetit, Ervin Muça.

Mbledhja u zhvillua me dyer të mbyllura, pasi sipas dëshmitarëve kishte informacione sensitive që minonin sigurinë e procesit të hetimeve, ndonëse opozita kërkoi që ajo të ishte e hapur për publikun.

Njoftimi i plotë:

Në zbatim të vendimit të ndërmjetëm nr. 10, datë 04.06.2024 të Komisionit hetimor “Për trajtimin e të dhënave të sistemit TIMS”, Komisioni do të zhvillojë mbledhje ditën e hënë ora 14:00, datë 10.06.2024 me rend dite:

Miratim i procesverbalit të mbledhjes datë 04.06.2024.

Si dhe zhvillimi i seancave dëgjimore me dëshmitarët si vijon:

Ora 14:00 – Z. Ardit Muço, Ish Përgjegjës i Sektorit IT në Policinë e Shtetit;

Ora 15:00 – Z. Besjan Tanuzi, Ish Drejtor i Sistemeve, në Policinë e Shtetit;

Ora 16:00 – Znj. Ervina Gjana, Drejtore e Krimit Kibernetik, në Policinë e Shtetit.

 

Sondazh

Poll

Lexo gjithashtu

Hapësire reklamuese