Kancelari i ri i Gjermanisë, Friedrich Merz ka uruar në gjuhën shqipe kryeministrin Edi Rama, për rizgjedhjen e tij dhe për një mandat të katërt në krye të vendit. Partia Socialiste mori 83 mandate dhe thelloi diferencën me Partinë Demokratike, e cila ka vetëm 50 mandate.
"Urime Edi Rama, për rizgjedhjen tuaj në Shqipëri. Shumë urime! Pres me padurim bashkëpunimin tonë të vazhdueshëm dhe takimin tonë të parë në takimin e Komunitetit Politik Evropian në Tiranë të premten", shkruan në X kancelari Friedrich Merz.
Kreu i qeverisë gjermane do të jetë në Tiranë, në Samitin e Komunitetit Politik Europian, bashkë me krerët e shteteve europiane.
Congratulations, @ediramaal, on your re-election in Albania. Shumë urime!
— Bundeskanzler Friedrich Merz (@bundeskanzler) May 15, 2025
I look forward to our continued cooperation and to our first meeting at the European Political Community meeting in Tirana on Friday.
Ajo që bie në sy në këtë urim të veçantë të Friedrich Merz është urimi i ngrohtë për kryeministrin Edi Rama, ndërkohë që pak ditë më parë kur ai u zgjodh kancelar, Sali Berisha e uroi menjëherë dhe tha se ai ishte mik i tij dhe Partisë Demokratike.
Pasditen e 6 Majit, Sali Berisha nuk e fshehu entuziazmin për detyrën e re që merrte politikani konservator, si kancelar i shtetit më të fuqishëm të Europës, por edhe si mik i Partisë Demokratike në Shqipëri.
Ish-kryeministri shkroi se partia e drejtuar prej Friedrich Merz ka patur dhe ka sot tek CDU e Kancelarit aleatin dhe mikun kryesor në përpjekjet për ndërtimin e demokracisë, shtetit ligjor dhe ekonomisë funksionale të tregut në Shqipëri. Ama sot, kancelari gjerman i ka dërguar një urim të ngrohtë Edi Ramës.
Sondazh
Lexo gjithashtu
