Sali Berisha rikthehet si një mbështetje e fortë për aleatin e tij të burgosur, Ilir Meta, në një moment të vështirë. Nga Pogradeci, ai njoftoi se do të zhvillojë betejën elektorale të 11 Majit në koalicion me Partinë e Lirisë, të cilës tashmë i është bashkuar edhe Meta, i cili ndodhet i arrestuar në burgun “Misto Mame 313”.
"Sa i përket listave për zgjedhjet, në koalicion me Partinë e Lirisë dhe partitë e tjera, ne shkojmë të sigurt drejt fitores. Renditja jonë do të përcaktohet nga negociatat, është radha jonë", tha Berisha.
Ai gjithashtu kritikoi projektet e ndërtimit në qytetin e Pogradecit, duke i akuzuar kryeministrin Edi Rama dhe deputetin socialist Fatmir Xhafaj për përgjegjësinë.
"Mafia Rama-Xhafa. Të ndërtosh kulla që mbyllin pamjen e qytetit do të thotë të shkatërrosh identitetin e tij, do të thotë të mos kesh asnjë respekt për qytetin dhe banorët e tij. Ky akt tejkalon çdo imagjinatë", tha ai.
Këto komente Berisha i bëri pas një takimi me demokratët e Pogradecit, ku po ashtu paraqiti programin e tij për rritjen e minimumit jetik dhe pensioneve, nëse shqiptarët e votojnë në shumicë më 11 Maj.
Sondazh
Lexo gjithashtu
