Kryeministri Edi Rama ka "sulmuar" nga Kukësi partitë e reja duke i quajtur insekte. Teksa fliste për negociatat e Shqipërisë me Bashkimin Europian, Rama u shpreh se s'mund t'i themi Europës "prit se na janë shfaqur ca insekte të reja në shtëpi".
Kryeministri Edi Rama nuk la pa ironizuar Kryetarin e Partisë Demokratike, Sali Berisha, të cilin vazhdon ta quajë buf kënete.
“Del bufi, shfaqen kukuvajkat, shfaqet zhapiku, janë dhe ca nga këto insektet e reja, i keni parë që janë shfaqur nëpër fushë, se ata janë më të mëdhenjtë fare.
Se nuk mund t’i themi ne Europës se kemi ca probleme se na kanë dalë insektet në shtëpi. Ne duhet të jemi super korrektë dhe vetëm për këtë na duhet fuqia.
Është e rëndësishme që Europa dhe ato vende, se një shumicë më e madhe është bashkuar nga ç’ka qenë më parë, t’i themi që ne duam të ulemi aty ku na takon vendi.“-tha Rama.
Sondazh
Lexo gjithashtu
