Gazetari Enton Abilekaj i ftuar në “Opinion”, ka komentuar mbi protestën e djeshme të opozitës. Ai e ka cilësuar një fillim të mirë për demokratët, një protestë e arrirë që mori momentin e saj kulminant që i duhej.
Abilekaj shton që e sotmja përmbysi atë që opozita arriti dje në shesh duke e cilësuar ditën pasardhëse si “ndarje dekoratash dhe jo aksion opozitar”.
Blendi Fevziu: Berisha doli komplet në mbrojtje të protestës. E konsideroi një çështje të njerëzve të lirë që nuk janë dorëzuar. Cili është komenti juaj?
Enton Abilekaj: Normalisht që do e mbronte. Protesta besoj krijoi avantazhin, krijoi momentin superior që i duhej opozitës duke pasur parasysh se edhe mediat e huaja i dhanë rëndësi çështjes dhe theksonin idenë e qeverisë teknike. Fillimi i një momenti të mirë për opozitës.
Nëse protesta e pati vëmendjen e duhur, duhet të vazhdonte derisa të realizohej kërkesa që të vazhdonte të ishte në vëmendje. Duhet të vazhdonte të kishte hapësirat e mediave të huaja dhe të shtonte presionin ndaj qeverisë. E djeshmja ia arriti qëllimin, por e sotmja që ishte ndarje dekoratash dhe nuk ishte aksion, e kompromentoi atë që ndodhi dje.
Sondazh
Lexo gjithashtu
