Sekretari i Përgjithshëm i Partisë Demokratike, Flamur Noka, ka sqaruar përplasjen fizike mes tij dhe deputetit Agron Shehaj në seancën plenare të mbajtur në datën 19 dhjetor.
Flamur Noka i ftuar në Neës24, teksa u pyet në lidhje me përplasjen fizike me Shehajn, ai u përgjigj se ky i fundit i lejoi deputetes së Partisë Socialiste të mbante fjalën në foltore ndërsa Nokës i tha “gjallë s’të lë të flasësh”.
“Pranvera Resulajt i liroi vendin të fliste, ndërsa mua më tha ‘gjallë s’të lë të flasësh’. Kjo është e papranueshme”, deklaroi ai.
Gjatë seancës së mbajtur në 19 dhjetor 2024, Shehaj në formë proteste kundër mazhorancës pasi interpelanca që ai kishte kërkuar të zhvillonte me zv/kryeministresn dhe njëkohësisht ministre e Infrastrukturës dhe Energjisë, Belinda Balluku nuk u zhvillua, ai bllokoi foltoren dhe nuk lejonte deputetët e tjerë të Kuvendit të mbanin fjalën e tyre.
Në këto momente Noka është çuar nga vendi i tij dhe i është drejtuar foltores për të mbajtur fjalën ndërsa Shehaj nuk ka lëvizur nga vendi. Noka e ka shtyrë dhe më pas i ka marrë nga dora Agron Shehajt telefonin i cili po filmonte, dhe ia ka hedhur tutje.
Sondazh
Lexo gjithashtu
