Pas presidentes së Komisionit Evropian, Ursula von der Leyen, Përfaqësuesi i Lartë i Bashkimit Evropian për Politikën e Jashtme dhe Sigurinë, Josep Borrell, do të presë liderët e Ballkanit Perëndimor për një drekë pune në Neë York të mërkurën.
Takimi është pjesë e aktiviteteve gjatë sesionit të 79-të të Asamblesë së Përgjithshme të Kombeve të Bashkuara.
Komisioni Evropian njoftoi këtë të premten se ky takim përbën një mundësi për të diskutuar çështjet aktuale dhe sfidat e integrimit evropian për rajonin e Ballkanit Perëndimor.
"Të mërkurën, Përfaqësuesi i Lartë Borrell do të presë gjashtë liderët nga Ballkani Perëndimor për një drekë tradicionale pune”, - thuhet në njoftim.
Kjo ngjarje vjen pas takimit të liderëve të Ballkanit Perëndimor në Bruksel, ku diskutuan për rrugën e integrimit evropian, por edhe për bashkëpunimin rajonal dhe stabilitetin politik.
Takimi i Borrellit në Neë York do të jetë një platformë e rëndësishme për BE-në që të vazhdojë promovimin e paqes, stabilitetit dhe përparimit në Ballkanin Perëndimor, në një kohë kur procesi i dialogut mes Kosovës dhe Serbisë kërkon intensifikim dhe bashkëpunimi ekonomik rajonal mbetet kritik për zhvillimin afatgjatë të vendeve të Ballkanit Perëndimor.
Delegacioni i nivelit të lartë të BE-së, i kryesuar nga Borrell dhe presidentja e KE-së, Ursula von der Leyen, pritet të marrë pjesë në një sërë takimesh, për të riafirmuar mbështetjen për zgjerimin dhe për të përforcuar partneritetet strategjike me vendet e Ballkanit.
Sondazh
Lexo gjithashtu
