Kryedemokrati Sali Berisha, kërkoi sot nga foltorja e Kuvendit ngritjen e një komisioni të ri, Komisionin e të Vërtetës.
Gjatë fjalës së tij në Kuvend, Berisha tha se nuk është Tik Tok-u rrugaçi dhe as nuk është i rrezikshën për vendin, aq sa është aplikacioni EncroChat.
Sipas Berishës, krijimi i Komisionit të së Vërtetës është i rëndësishëm për të zbuluar se kush ka përdorur Sky Ecc dhe EncroChat, për të nxjerrë para qytetarëve shqiptarë lidhjet e politikës me krimin.
Berisha është ka deklaruar se nëse nuk pranohet Komisioni i ri, ai do të publikojë të gjitha zbardhjet nga SkyEcc.
Pjesë nga fjala e Berishës:
Të dashur qytetarë dhe qytetare, nuk është Tik Tok-u rrugaçi që thotë ajetollahu i Tiranës, është Enchrochat-i krimineli, vrasësi, trafikanti, prandaj dhe krijimi i Komisionit të së Vërtetës në bazën e propozimit të z.Sula për të nxjerrë para shqiptarëve, veçanërisht tani, në prag të zgjedhjeve lidhjet e politikës me krimin është kusht i domosdoshëm. Ka patur këtu me 2-3 EncroChat-e. Kryeministri ka patur 2-3 të tillë.
Harruat ju si e denoncoi bashkëjetuesja e McGonigal kur tha se nuk e lëshonte për orë të tëra në SkyEcc me Edi Ramën. I harruat këto? Është më mirë t’i zbardhim vetë. PD ato 1 mln faqe që kanë ardhur, nëse ju nuk pranoni komisionin, do t’i publikojë një nga një. Do ta bëjmë ne të vërtetën para shqiptarëve. Prandaj mos kini frikë.
Sondazh
Lexo gjithashtu
