Teksa procesi i numërimit të votave për kandidatë është ende duke vijuar, deri më tani rezulton se kandidati i Partisë Socialiste, Agron Malaj, është më i votuari, jo vetëm në listën e kësaj force politike, por nga të gjithë kandidatët.
Në një kohë kur janë numëruar vetëm 193 qendra votimi nga 222 në total, sipas të dhënave të përditësuara nga Komisioni Qendror i Zgjedhjeve, rezulton se Malaj ka siguruar një numër të konsiderueshëm votash preferenciale. Deri më tani ai ka marrë 12492 vota, duke e vendosur kështu në krye të garës.
Në mars të këtij viti Agron Malaj vendosi që të jepte dorëheqje nga posti i kryetarit të Bashkisë së Matit për të luftuar për një ulëse në Kuvendin e Shqipërisë.
Malaj më herët ka qenë gardist, ndërkohë që dha dorëheqje në vitin 2013 duke iu futur më pas politikës, pasi u bë pjesë e Partisë Socialiste. Më vonë ai u emërua kryetar i Partisë Socialiste për Matin dhe në të njëjtën kohë mori edhe detyrën e drejtorit të OSHEE-së për këtë rreth ku më pas mori dhe postin e kryebashkiakut.
Sondazh
Lexo gjithashtu
