Partia Socialiste ka përfunduar një mbledhjen e kryesisë dhe drejtuesve politikë të qarqeve, ku janë vendosur ndryshime në strukturën drejtuese.
Eduard Shalsi është caktuar si drejtues politik i PS-së për qarkun e Kukësit, duke zëvendësuar Pandeli Majkon, i cili do të transferohet në Tiranë. Majko pritet të marrë përgjegjësinë për një zonë elektorale në kryeqytet, si në rastin e Blendi Gonxhes, i cili u caktua në zonën e Kombinatit.
Mbledhja, e thirrur nga kryeministri Edi Rama, u përqendrua tek përgatitjet për zgjedhjet parlamentare të 11 majit, me fokus të veçantë tek angazhimi i diasporës në procesin zgjedhor. Burime nga selia e PS-së raportojnë për mediat se Rama ka kërkuar krijimin e një rrjeti të organizuar me kontaktet e shqiptarëve që jetojnë jashtë vendit, duke e konsideruar votën e diasporës një element thelbësor për përforcimin e mbështetjes ndaj mazhorancës.
Ky takim vjen vetëm pak ditë përpara nisjes së procesit të regjistrimit të emigrantëve, një nismë që synon të rrisë pjesëmarrjen e diasporës në zgjedhjet e ardhshme.
Sondazh
Lexo gjithashtu
