Politikania e majtë Monika Kryemadhi, ka reaguar për thirrjen e kryebashkiakut Erion Veliaj në Prokurorinë e Posaçme. Si një ndër njerëzit që ka kallëzuar aferën e inceneratorëve në SPAK, ajo falenderon ekipin me të cilin ka punuar për përgatitjen e dokumenteve.
Kryemadhi ndan shkresën që mban firmën e kryebashkiakut Erion Veliaj drejtuar Sekretarit të Përgjithshëm në Ministrinë e Mjedisit, për procedurat e inceneratorit të Tiranës. Po sot, në SPAK ndodhet për këtë hetim dhe Erion Veliaj, prej më shumë se 5 orësh.
"Është ky standard i ri që vendosëm bashkërisht për mënyrën se si hetohet korrupsioni qeveritar, e cila ka bërë që Erion Veliaj, nga zyrtar i maxhorancës i cili kërcënonte në emër të drejtësisë, të shkojë sot e të përgjigjet para SPAK për abuzimet e tij", shkruan politikania e majtë.
Më tej, Monika Kryemadhi thekson se do të vazhdoj luftën e saj dhe falenderon të gjithë ata që kanë kontribuar në gjetjen dhe grumbullimin e dokumenteve për inceneratorët.
"Falë një pune hetimore që ka zgjatur disa vite, eksperienca e tyre profesionale bëri të mundur që një mal me prova ti vendoseshin në dispozicion prokurorisë speciale anti korrupsion për shkeljet ligjore të zyrtarëve publikë, shoqëruar me analizën e detajuar të krimeve financiare", vijon ajo.
Shënimi i plotë i Monika Kryemadhit, deputete e PL:
Falenderoj me përulje ekipin e profesionistëve, që më ndihmuan pa u lodhur për të realizuar kontributin tim më të madh politik si Kryetare e LSI, atë të KALLËZIMIT PENAL të aferës së inceneratorëve.
Falë një pune hetimore që ka zgjatur disa vite, eksperienca e tyre profesionale bëri të mundur që një mal me prova ti vendoseshin në dispozicion prokurorisë speciale anti korrupsion për shkeljet ligjore të zyrtarëve publikë, shoqëruar me analizën e detajuar të krimeve financiare.
Sot, ne, shqiptarët dhe ndërkombëtarët, po shohim një hap tjetër drejt misionit që morëm përsipër.
Është ky standard i ri që vendosëm bashkërisht për mënyrën se si hetohet korrupsioni qeveritar, e cila ka bërë që Erion Veliaj, nga zyrtar i maxhorancës i cili kërcënonte në emër të drejtësisë, të shkojë sot e të përgjigjet para SPAK për abuzimet e tij.
KALLËZIMET e firmosura për aferën e inceneratorëve janë aty si dëshmi e qartë e vullnetit tim dhe kolegëve të LSI, që më mbështetën në çdo hap, për papajtueshmërinë me korrupsionin qeveritar!
Aty janë të KALLËZUAR kokat e korrupsionit të qeverisë dhe shqiptarët presin me padurim fundin e një drejtësie selektive ku ligji funksionon "me mik".
Me një sistem drejtësie të pavarur dhe që punon shpejt për të ndaluar korrupsionin, paratë e vjedhura do t'i ktheheshin shqiptarëve dhe e gjithë qeverisja do të ripërtërihej.
E drejta vonon por drejtësi do të ketë një ditë! Unë do të vazhdoj luftën dhe falenderoj çdo njeri që kontribuoi për këtë ditë ku muri i madh mbrojtës për pandëshkueshmërinë e qeverisë së inceneratorëve, u ça.
Sondazh
Lexo gjithashtu
