Hapësire reklamuese

Politikë

“Minatorët po vdesin çdo ditë, nuk ka siguri në punë”, Çupi: Asnjë mbështetje për familjet e viktimave

Shkruar nga Newsbomb
“Minatorët po vdesin çdo ditë, nuk ka siguri në
Deputetja demokrate Dhurata Çupi

Dhurata Çupi ka qenë një ndër të paktët deputetë që ndodhen në seancën e sotme plenare në Kuvend. Nga foltorja e Kuvendit, deputetja demokrate ka ngritur si shqetësim kushtet e vështira në të cilat punojnë minatorët ndërsa bën thirrje të merren masa të menjëhershme për mbrojtjen e tyre, pasi vetëm muajin e fundit kanë humbur jetën 6 minatorë.

Ka shumë minatorë punojnë pa kushte, pa minimumin e garancisë, janë rreth 7000 minatorë ku drama e  tyre përsëritet çdo ditë: që luten çdo ditë të kthehen te fëmijët e tyre, nuk ka siguri në punë, nuk ka kontroll të sigurisë, as ndonjë raport, as kur ndodhin këto tragjedi, nuk kemi një raport të inspektoriateve të punës, cilat qenë arsyet që humbën jetën këta minatorë. Nuk ka transparencë, cilat janë kompanitë që i kanë licensat.  Nuk ka asnjë informacion sa licensa janë dhënë, kush i ka marrë si shfrytëzohen, asnjë ministër nuk përgjigjet për këto çështje. Çfarë duhet të bëhet? Në mënyrë të menjëhershme duhet të forcojmë ligjin, investime urgjente në këto miniera, minimalisht të respektojnë kushtet e kontratës”, - tha ajo.

Dhurata Çupi theksoi se edhe për familjet e viktimave të minatorëve nuk ka asnjë mbështetje.

Asnjë mbështetje për familjet e viktimave, duhen masa për këto familje që mbesin pa bukën e gojës, duhet rishikim i pagave, i kushteve të punës, e kemi detyrim njerëzor të miratojmë statusin e minatorit. Duhet të marrim masa seriozisht sepse përsëritet çdo muaj”, - tha ajo.

Sondazh

Poll

Lexo gjithashtu

Hapësire reklamuese