Hapësire reklamuese

Politikë

Meta takohet me ish-presidentin slloven në Ljubljanë: Avokat i paepur i integrimit të plotë të Shqipërisë në BE

Shkruar nga Newsbomb

Meta takohet me ish-presidentin slloven në Ljubljanë: Avokat i paepur

Presidenti i Partisë së Lirisë, Ilir Meta ka zhvilluar ditën e sotme një takim me politikanin njohur slloven, Borut Pahor, për të cilin ka zëra se mund të jetë pasardhësi i mundshëm i Lajçakut. 

Përmes një postimi në rrjetet sociale, Meta thotë se Pahor është avokat i paepur i integrimit të plotë të Shqipërisë dhe të vendeve të Ballkanit Perëndimor në Bashkimin Europian.

"I lumtur të mirëpritesha në Ljubljanë, nga Presidenti vizionar Borut Pahor, avokat i paepur i integrimit të plotë të Shqipërisë dhe të vendeve të Ballkanit Perëndimor në Bashkimin Europian.

Vlerësova se Forumi Strategjik i Bledit dhe Procesi i Brdo-Brijunit mbeten dy platforma të shkëlqyera që na përafrojnë më shpejt me BE dhe se reformat e vërteta dhe të vendosura në këtë drejtim do të luajnë rolin e forcës kryesore shtytëse për shoqëritë tona, për të përmirësuar standardet e demokracisë, sundimit të shtetit të së drejtës, llogaridhënies në çdo nivel dhe zhvillimit të qëndrueshëm të ekonomisë  dhe standardeve shoqërore.

Ndamë qëndrimin për nevojën jetike të rikthimit tek dialogu Kosovë-Serbi dhe zbatimit të plotë, të drejtë dhe të pakushtëzuar të marrëveshjeve të negociuara përmes BE dhe SHBA, si rruga e vetme për normalizimin përfundimtar të situatës dhe të marrëdhënieve mes dy shteteve.

Mbështetemi shumë tek Sllovenia dhe vlerësojmë se marrëdhëniet e shkëlqyera mes dy vendeve dhe popujve tanë miq meritojnë rezultate shumë konkrete në nivelin e bashkëpunimit ekonomik dhe tregtar," shkruan Meta. 

Sondazh

Poll

Lexo gjithashtu

Hapësire reklamuese