Hapësire reklamuese

Politikë

“Më e mira ende përpara”, Rama: Falë reformave e çuam pagën mesatare të mësuesve në 950 euro

Shkruar nga Newsbomb
“Më e mira ende përpara”, Rama: Falë reformave e
Edi Rama

Kryeministri Edi Rama e ka nisur ditën me lajmin e mirë për rritjen e rrogave të mësuesve. Kreu i qeverisë, shkruan se fale punës dhe përkushtimit arritën që pagën mesatare të mësuesve të çojnë në 950 euro.

“MIRËMËNGJES dhe me kënaqësinë që falë një rruge të mundimshme reformash e rimëkëmbjeje tërësore të këtij vendi që e morëm në dorë copë e çikë, e çuam pagën mesatare të mësuesve në 950EURO në muaj, si edhe me bindjen se më e mira është ende përpara, ju uroj një ditë të mbarë”, shkruan Rama.

Këshilli i Ministrave miratoi dje rritjen e pagave për sektorin publik. Nga rritja e pagës që hyn në fuqi më datën 1 korrik do të përfitojnë 135 mijë punonjës të administratës shtetërore, konkretisht punonjësit e sistemit arsimor parauniversitar, punonjësit e sistemit shëndetësor, punonjësit e sistemit të sigurisë së vendit (Policia e Shtetit, Policia e Burgjeve, Garda e Republikës, Forcat e Armatosura, Mbrojtja nga zjarri dhe shpëtimi) si edhe punonjësit e nivelit zbatues dhe mbështetës të administratës shtetërore.

Më poshtë është lista e kategorive që përfitojnë nga rritja e pagave dhe sa do të marrin:

Ushtria

-Për ushtarin bazë, me rritjen e sotme paga e tij shkon në 71 mijë Lekë

-Rreshteri, 80 mijë Lekë

-Majori, 107 mijë Lekë

-Koloneli, 158 mijë e 500 Lekë

-Gjenerali, 190 mijë Lekë.

-Të gjitha këtyre pagave u shtohet një trajtim ushqimor, prej 16 mijë Lekësh

Zjarrfikësit

-Asistent Zjarri (grada më e ulët) 60 mijë Lekë

-Zjarrfikës 65 mijë Lekë

-Kryezjarrfikës 70 mijë Lekë

-Kryeinspektor zjarrfikës 85 mijë Lekë

-Inspektor zjarrfikës 75 mijë Lekë

-Komisar zjarrfikës 105 mijë Lekë

-Drejtues zjarrfikës 155 mijë Lekë

-Drejtues i parë zjarrfikës 140 mijë Lekë

-Drejtues i lartë zjarrfikës 160 mijë Lekë

Sistemi arsimor

-Paga e mësuesit në arsimin e mesëm të lartë që ka kualifikimin dhe që ka vjetërsi mbi 15 vite pune eksperiencë do shkojë 98 500 Lekë.

-Paga mesatare e mësuesit në arsimin e mesëm të ulët me mbi 15 vite vjetërsi shkon nga 75 800 në 96 000 Lekë.

-Mësuesit e ciklit fillor me mbi 15 vite eksperiencë nga 72 mijë Lekë paga shkon në 95 200 Lekë.

-Punonjësit e shërbimit psiko-social, paga mesatare shkon 910 Euro.

-Për oficerët e sigurisë 800 Euro në muaj si pagë mesatare.

Sistemi shëndetësor

-Të gjithë mjekëve të përgjithshëm u rritet paga me 20 mijë Lekë mbi pagën ekzistuese.

-Të gjithë infermierëve u rritet paga me 15 mijë Lekë mbi pagën ekzistuese.

-Përfitojnë edhe punonjësit e administratës së sistemit shëndetësor, 15 deri në 20 përqind të pagës së tyre aktuale.

Sektori i burgjeve

-Rritja e pagave varion nga 13 deri në 27 përqind.

-Rritja shkon nga 6 mijë Lekë, deri në 33 mijë e 600 Lekë e përshkallëzuar sipas gradave.

-Aspirantët, pjesë e strukturës së Policisë së Burgjeve dhe do paguhen me 80 për qind të pagave të inspektorit.

Sondazh

Poll

Lexo gjithashtu

Hapësire reklamuese