Kryetari i Partisë Demokratike, Sali Berisha, ka folur për mediat pas një takimi me drejtuesit e qarqeve të PD-së në Shqipëri, ku fokusi kryesor ishte organizimi dhe lehtësimi i procesit të votimit për shqiptarët jashtë vendit.
Berisha tha se mbi 1.5 milionë votues shqiptarë ndodhen jashtë vendit, dhe përgëzoi drejtuesit për angazhimin dhe punën e tyre për të siguruar një pjesëmarrje sa më të gjerë të emigrantëve shqiptarë në zgjedhjet e ardhshme
Por lideri demokrat ka akuzuar Ramën se nuk e do votën e emigrantëve dhe po bën çdo gjë për ta ndaluar atë.
E thirra këtë takim me ju, për të ju përgëzuar për punën që keni nisur dhe zhvilluar në mënyrë që të konkretizohet me sa më shumë sukses, vota e shqiptarëve jashtë vendit, si një dimension themelor i këtij procesi elektoral.
Po të kemi parasysh faktin se, votues shqiptarë janë më shumë jashtë se sa brenda, atëherë është një mision i vërtetë, angazhimi ynë për të krijuar çdo lloj lehtësimi dhe mundësie, që këta mbi 1 milionë e gjysëm votues që ndodhen jashtë, qytetarë shqiptarë me të drejtë vote që ndodhen jashtë, të mund të shprehin vullnetin e tyre politik, për kandidatët, kandidatet, forcat politike që ata u besojnë.
Në këtë aspekt, roli juaj është shumë më i madh dhe i PD.
Por natyrisht Edi Rama po përpiqet, një akt që nuk e ka dashur kurrë, bën gjithçka për ta sabotuar.
Ne qëndrojmë të hapur dhe të vendosur për çdo vendim që mundëson votën masive, pa diskrimimin të qytetarëve tanë shqiptarë, kudo që janë.
