Këtë të hënë, 2 shtator, ligjvënësit shqiptar do t’i rikthehen Kuvendit. Deputetë e ministra me kërkesë të kryetares së Kuvendit, Elisa Spiropalit, do të mblidhen pasditen e kësaj të hënë, më orën 17:00.
Ky sesion i ri parlamentar do të hapet me fjalës hyrëse të kryetares Spiropali si dhe me fjalimet që do të mbajnë më pas krerët e Grupeve Paralamentar, kreu i grupit të socialistëve, Niko Peleshi, ai i demokratëve, Gazment Bardhi, Mesila Doda në cilësinë e kryetares së Grupit Parlamentar "Demokraci dhe Integrim' dhe Agron Duka në cilësinë e kreut të grupit parlamentar "Aleanca për Ndryshim" .
Ndërsa në rendin e ditës së seancës plenare është parashikuar, miratimi i procesverbaleve të seancës plenare të datës 25, 26 dhe 30 korrik 2024. Gjithashtu, çështje e ditës do të jetë dhe njoftimi për çështjet e depozituara në Kuvend.
Dy nga çështjet më të “nxehta” të cilat pritet të përmendet këtë seancë plenare janë çështjet e mandatit të deputetëve socialistë, Olta Xhaçkës dhe Vullnet Sinajt.
Kujtojmë se në Këshillin e Legjislacionit opozita dhe socialistët ranë dakord se vendimi i Kushtetueses për Olta Xhaçkën të diskutohet në seancën e datës 12 shtator. Në këtë seancë do të shqyrtohet mocioni për mandatin e Xhaçkës, ku demokratët kërkojnë që t’i hiqet.
Ndërsa, mocioni për deputetin socialist Vullnet Sinajn do të shqyrtohet nga Këshilli i Mandateve dhe Imunitetit më 4 shtator.
RENDI I DITËS:
Në mbështetje të urdhrit nr.56, datë 28.8.2024 të Kryetares së Kuvendit, znj. Elisa Spiropali, rendi i
ditës është si më poshtë:
1. Hapja e punimeve të sesionit të VII të legjislaturës së X, të Kuvendit të Shqipërisë.
(Neni 74, pika 1, i Kushtetutës, neni 42, pika 1, i Rregullores)
2. Miratimi i procesverbaleve të seancës plenare të datës 25,26 dhe 30 korrik 2024.
(Neni 44, pika 2, i Rregullores)
3. Njoftime për çështjet e depozituara në Kuvend.
(Neni 44, pika 3, i Rregullores)
– Fjala e Kryetares së Kuvendit, znj. Elisa Spiropali.
– Fjala e kryetarëve të Grupeve Parlamentare.
Sondazh
Lexo gjithashtu
