Kryetari i Grupit Parlamentar të Partisë Demokratike, Gazment Bardhi, ka reaguar ndaj qëndrimit të Kryetares së Kuvendit, Elisa Spiropali pas publikimit të opinionit të Komisionit të Venecias.
Ai i ka kërkuar Spiropalit të rilexojë me kujdes opinionin e Komisionit të Venecias, ta kuptojë në thellësi dhe ta zbatojë atë në veprimet e saj.
Bardhi theksoi se dezinformimi, që vazhdon edhe pas publikimit të opinionit, pasqyron një përpjekje për të mbrojtur deputetët që shkelin Kushtetutën për interesa personale, duke kundërshtuar rekomandimet e Komisionit të Venecias.
Spiropali më herët u shhpreh se tani është e qartë për të gjithë se qëndrimi i socialistëve nuk është poltik as partiak.
Reagimi i plotë:
“Kryetarja e Kuvendit duhet ta rilexojë edhe njëherë opinionin e Komisionit të Venecias, ta kuptojë dhe ta zbatojë,” u shpreh Bardhi.
Ai gjithashtu theksoi se kryeparlamentarja ka vetëm një detyrim: të zbatojë dy vendime të Gjykatës Kushtetuese, siç sugjerohet në opinionin e Komisionit të Venecias.
Bardhi nënvizoi se çdo deformim apo devijim nga thelbi i opinionit dhe përqendrimi në detaje pa thelb nuk do të ndihmojnë në forcimin e demokracisë dhe shtetit ligjor.
Kryetarja e Kuvendit duhet ta rilexojë edhe njëherë opinionin e Komisionit të Venecias, ta kuptojë dhe ta zbatojë.
Dezinformimi i saj që vazhdon edhe pasi opinioni është publik tregon se ka një tentativë për të vijuar me mbrojtjen e paprecedent ndaj deputetëve që shkelin kushtetutën për përfitime personale, tërësisht në të kundër të asaj që Komisioni i Venecias këshillon.
Kryetarja e Kuvendit Elisa Spiropali nga sot ka vetëm një detyrim: Të zbatojë dy vendime të Gjykatës Kushtetuese, siç këshillon në opinionin e tij edhe Komisioni i Venecias.
Çdo deformim apo devijim nga thelbi i opinionit dhe përhumbja nga detaje pa thelb nuk ndihmojnë në forcimin e demokracisë dhe as të shtetit ligjor.
Sondazh
Lexo gjithashtu
