Drejtuesi i Koalicionit Euroatlantik, Lulzim Basha, ka reaguar përmes rrjeteve sociale në lidhje me kontratën e lobimit 6 milionë euro të PD në SHBA.
Lulzim Basha deklaroi se Sali Berisha po paguan 6 milionë dollarë për një vizitë në Amerikë ndërsa shtoi se nëse s'do e kishte përfshirë PD-në në konfliktin (non gratën) e tij me SHBA-në, sot do të ishte në pushtet.
Lulzim Basha nuk la pa akuzuar edhe Edi Ramën për të cilin tha se është i përfshirë në skandale dhe se ka përdorur gjithçka për të luftuar opozitën.
"Sali Berisha ju tha se kjo s’është e vërtetë por sot paguan 6 milion dollarë për një vizë Gjovalin, ndërkohë që po të kishte ndjekur rrugën që vetë e premtoi të mospërfshirjes së partisë demokratike në konfliktin me Shtetet e Bashkuara të Amerikës dhe të lejimit të Partisë Demokratike të vazhdonte përpara, përballjen me Edi Ramën, partia demokratike do të ishte në pushtet apo shumë afër pushtetit dhe hallet e tij nuk do të kishin nevojë për fatura të kripura, 6 milion dollarë për një vizë amerikane. Kjo, është e vërteta Gjovalin."-tha Basha qytetarit në rrjete sociale.
Sondazh
Lexo gjithashtu
