Një udhëtim i kryebashkiakut Erion Veliaj drejt Shteteve të Bashkuara të Amerikës dy ditë më parë solli dhe një deklaratë të fortë nga ish-kryeministri Sali Berisha, i cili tha se i pari i Tiranës po tenton që të arratiset pasi SPAK është duke e hetuar për 4 vepra penale.
Pas kësaj deklarate të ish-kryeministrit një reagim “flakë për flakë” erdhi nga kryebashkiaku i Tiranës i cili pa lënë anash ofendimet ndaj liderit të Partisë Demokratike bëri me dije se ka udhëtuar drejt SHBA-së për arsye pune dhe se do të qëndrojë vetëm dy ditë.
“Nuk iki unë nga Shqipëria, o kërmë, se kam ardhur nga Amerika kur isha 20 vjet më i ri, që të jepja një dorë për ta nxjerrë vendin tim nga llumi ku e zhyte ti me shokë! Dhe nuk më përkulin mua as letrat anonime, si në kohën e partisë, që të bëri ty persekutorin që je sot e gjithë ditën, as kushdo tjetër që shuan epshet e veta nëpër ekranet dhe rrugët e Tiranës, duke u marrë me familjen time, as fantazitë e sëmura të veshura me kostumet e karnavaleve të kësaj historisë sime në gjykatën e ekraneve dhe rrjeteve sociale”, shkruante Veliaj ndër të tjera.
Por, sërish kryetari i Bashkisë së Tiranës ka dalë “bllof”! Ka qenë vetë Berisha i cili këtë të hënë ka publikuar biletën e avionit të Veliajt ku shihet qartë që kthimi i kryebashkiakut nga Washingtoni në Tiranë do të bëhet në datën 17 janar 2025 dhe jo pas dy ditësh ashtu si dhe pretendoi ai më herët.
Përpos biletës së avionit, ish-kryeministri thotë se kryebashkiaku Erion Veliaj gjatë seancës prej pesë orësh në SPAK ka hedhur poshtë deklaratat e bëra më herët nga vetë ai muaj më parë, kur u paraqit për herë të parë pranë Prokurorisë së Posaçme.
Ndër të tjera, Berisha thotë se kryebashkiaku i Tiranës po përpiqet që të marrë statusin e azilantit politik duke iu thënë ndërkombëtarëve se po persekutohet nga Sali Berisha.
“Ligësia e tij ekstreme është se ai po mbush komunitetin ndërkombëtar se po persekutohem nga Sali Berisha, e tëra kjo vetëm e vetëm që të marrë statusin e azilantit politik”, thekson Berisha.
Pjesë nga fjala e Sali Berisha:
Komenti është ky: skema e përdorur, cilido që ka ABC-në e kodeve dhe ligjeve, ishte mbathja se të arrestuam.
Prokuroria në mënyrë bizare, deklaron se i kemi të vërtetuara, unë e di që kanë të vërtetuara, se kanë dokumentet dhe llogaritë bankare të fshehta të tij, i kanë pasuritë, i kanë mashtrimet, se ai thotë më tradhtuan, keni bërë deklarata nën presion, aludon për vjehrrën, Velicën, nuk e di për kë aludon, e vërteta është se në seancën 5-orëshe në prokurori ka rrëzuar çdo gjë që ka mashtruar në seancën 8-orëshe para disa muajsh.
Dhe tani kërkon të fajësojë Velicën dhe vjehrrën, ky i ka bërë vetë, sepse del që kanë renditur aty, thuhet se kanë renditur të paktën minimumi 60 mashtrime, duke krahasuar dëshminë e parë me dëshminë e dytë të tij. Mohimet e dëshmisë së parë dhe faktimet e dëshmisë së dytë.
Pastaj thotë ma bënë me hile, më thanë je person për dijeni dhe nuk më thanë se je person në hetim. Ku ka hile kur shkon e mashtron aty, thua nuk kam llogari bankare, nuk kam këtë, nuk kam atë, çfarë hile ka aty.
Ligësia e tij ekstreme është se ai po mbush komunitetin ndërkombëtar se po persekutohem nga Sali Berisha, e tëra kjo vetëm e vetëm që të marrë statusin e azilantit politik.
E ka kërkuar apo nuk e ka kërkuar, këtë nuk mund ta them, biletën ja ku e keni.
Në deklaratë tha se do kthehet sot, për dy ditë. Si do shkonte për uikend ai? A ka marrë ai kontakte me vendet e Amerikës Latine apo vendet nordike, ato nuk i di se nuk merrem me gjërat që qarkullojnë.
Sondazh
Lexo gjithashtu
