Kryetarja e komanduar e Bashkisë Tiranë, Anuela Ristani ka firmosur ditën e sotme dy shkarkime nga detyra.
Anuela Ristani ka vendosur të largojë nga Bashkia e Tiranës nënkryetaren Sara Goxhajn si dhe Sekretarin e Përgjithshëm Alban Dokushin.
Jonida Halili ka marrë postin e Dokushit duke u emëruar kështu Sekretare e Përgjithshme e Bashkisë së Tiranës, ndërsa më parë ka mbajtur postin e nënkryetares.
Sara Goxhaj u emërua ditën e djeshme me firmë të kryebashkiakut Veliaj si kryetarja e e re e deleguar e bashkisë, duke zënë vendin e Ristanit, vendim që u zhvlerësua menjëherë duke ia lënë në duar kompetencat Anuela Ristanit.
Ndërkohë nga krahu tjetër, Alban Dokushi njihet ndryshe si “krahu i djathtë” i Veliajt, ndërsa ditën e djeshme iu ndalua rreptësisht hyrja në ambientet e insitucionit së bashku me Goxhajn.
Ditën e djeshme në media u aludua për një “luftë të hapur” mes Veliajt dhe Ramës, teksa thuhej se nënshkrimi për vendosjen e Sara Goxhajt në krye të Tiranës u zhbë menjëherë me urdhër të kryeministrit.
Ditën e fundit kanë sjellë një “furtunë” në bashki, ndërsa Veliaj reagoi nga qelia me qëllim për të shuar të gjitha dyshimet se mes tij dhe Ramës ishte ndezuar një betejë e re politike duke shkruar se e gjitha ishte një keqkuptim.
“Kam firmosur një ridelegim me idenë e gabuar se ishte dakordësuar brenda ekipit drejtues, por kështu është kur 'punon' pa informacionin e mjaftueshëm”, shkruan Veliaj.
Sondazh
Lexo gjithashtu
