Kryeministri Edi Rama e ka bërë edhe një herë të qartë se Shqipëria nuk do të pranojë vende të tjera përveç Italisë të strehojë emigrantët në kampe pritjeje në territorin e saj.
Rama në një intervistë për “Euronews” tha se kjo marrëveshje është një vetëm ekskluzivitet vetëm me Romën, për shkak të “dashurisë” që kemi me Italinë.
“Kjo është një marrëveshje ekskluzive me Italinë, sepse ne i duam të gjithë, por me Italinë kemi dashuri të pakushtëzuar”, u shpreh kryeministri gjatë intervistës.
Kjo deklaratë e Ramës vjen disa ditë pasi kryeministrja italiane Giorgia Meloni tha se homologu i saj britanik Keir Starmer kishte shprehur "interesim të madh" për skemën dhe procedurat për marrëveshjen e emigrantëve me Shqipërinë.
Rama tha se edhe pse nuk jemi në evropian brenda në BE, sërish jemi Evropianë dhe kjo ishte një marrëveshje në ndjenjën e fqinjësisë.
"Ne vendosëm ta bëjmë këtë (marrëveshjen e emigracionit) bazuar në ndjenjën e përgjegjësisë si fqinjë, si evropianë. Sigurisht që është më mirë sesa thjesht të luftosh ideologjikisht për këtë çështje dhe të mos bësh asgjë. Kjo është diçka që ne e bëmë në vend që të mos bënim asgjë. Pra, a është e re apo nuk është e re, a është novatore apo nuk është novatore, do të funksionojë apo nuk do të funksionojë, kjo është e gjitha për t’u parë”, u shpreh Rama ndër të tjera.
Sondazh
Lexo gjithashtu
