Deputetja Monika Kryemadhi i është përgjigjur aludimeve që qarkullojnë në media se raporti me bashkëshortin e saj, Ilir Meta ka pësur krisje. Nga deklaratat e të dyja palëve, dukej sikur “divorci politik” mes çiftit Meta-Kryemadhi ishte i pashmangshëm.
Mirëpo, në një komunikim të shkurtër të mbajtur jashtë kuvendit, Monika Kryemadhi tha se kryetari i Partisë së Lirisë nuk e ka sulmuar si bashkëshorte, por si politikane. Po ashtu shtroi se është dakord me çdo fjalë që Ilir Meta ka thënë.
“Në çdo fjalë që ka thënë Meta për kapjen e drejtësisë nga qeveria jam dakort. SPAK është vegël e Ramës dhe beteja jonë nuk është me spak. Ju duket normale ju që gazetat e Erion Veliajt hapin faqen me njoftimin e SPAK. Ju duket normale...Më shumë se ç’më ka sulmuar Rama e Veliaj pse nuk ju dhimbset kjo ju. Meta më ka sulmuar si politikane jo si bashkëshorte,” tha Monika Kryemadhi.
Sondazh
Lexo gjithashtu
