Kongresi i Partisë Socialiste do të mbahet ditën e nesërme në Tiranë në orën 11.00 të paradites.
Në këtë kongres priten të diskutohen çështje të rëndësishme për partinë, qeverinë dhe ndryshimet e mundshme në radhët e saj, si dhe mbi procesin e zgjedhjeve të ardhshme parlamentare vitin e ardhshëm.
Sipas gazetarit Muhamed Veliu, delegatët e Kongresit do të zgjedhin asamblenë e përgjithshme e përbërë prej 400 anëtarësh, ndërsa bëhet e ditur se për herë të parë në asamblenë e re nuk do të ketë drejtor në drejtoritë e zgjedhura, në zbatim të kërkesë së kryeministrit Edi Rama.
Edi Rama do të mbajë fjalën e tij, ndërsa pritet me interes se çfarë objektivash do t’i vendosë PS-së për parlamentaret e 2025-s.
Menjëherë pas fjalimeve do të nis procesi votimit për anëtarët e rinj të asamblesë e cila si çështje primare do të ketë zgjedhjen e sekretariatit të ri të PS, i gjithi i shkarkuar nga Rama, prej Korrikut 2023.
Gjithashtu, në kongres është parashikuar edhe vendosja e dy paneleve, ku do të flitet për mirëqeverisjen, antikorrupsionin dhe turizmin.
Sikurse do t’i bëhet një analizë çfarë ka arritur në këto tre vite qeverisja socialiste, e cila është në pushtet përmes një mandati te tretë qeverisës.
Megjithatë, nuk dihet nëse kryesocialisti Edi Rama do të flasë rreth dorëheqjes së Lindita Nikollës nga kryesia e Kuvendit, si dhe nëse do të bëjë të ditur emrin e ri pasuesit të saj.
Sondazh
Lexo gjithashtu
