Ka nisur ne kuvend Komisioni Hetimor për Sterilizimin, ku po dëshmon biznesmeni Klodian Rrapaj. Por si në mbledhjet e kaluara, edhe sot Komisioni është shoqëruar me debate të fortë mes kryetares Albana Vokshi dhe socialsitëve.
Ka qenë deklarata e deputetes socialiste Klodiana Spahiu e cila ka nxitur diskutime të ashpra në mbledhjen e Komisionit Hetimor të Sterilizimit dhe Check Up-it.
Spahiu tha se nuk e kishte menduar se një Komision Hetimor do të degjeneronte deri aty ku anëtarët e opozitës të bëjnë diskutim politik, dhe kjo ka sjellë reagimin e kryetares Albana Vokshi.
Klodiana Spahiu: Unë i dëgjova me shumë kujdes të gjithë kolegët do të kërkoja pak qetësi që të bëjmë një diskutim jo një fjalim politik, nuk e kisha menduar se një komision hetimor do të degjenerojë deri këtu që anëtarët e opozitës vijnë dhe bëjnë diskutim politik.
Albana Vokshi: Si thua degjenerim për diskutimet me seriozitet të opozitës, po çfarë po thua mi, tërhiqe mbrapsht atë që the, si mund ta thotë një zonjë degjeneruat me diskutimet e tua?!
Spahiu: Asnjë fjalë nga fjala ime nuk tërheq nëse vazhdojmë kështu s’do përfundojmë kurrë këtë komision hetimor.
Vokshi: Po ofendon, mua s’ma lejon po s’duhet të ishe më në këtë mbledhje, e keni tek Vilma shqetësimin.
Spahiu: Ju e keni të hapur mikrofonin në çdo moment,
Vokshi: Prej teje se prisja. Më vjen keq që del nga goja juaj se nuk je e tillë.
Spahiu: Do më lësh të flas?
Vokshi: Tërhiq fjalën degjenerim.
Sondazh
Lexo gjithashtu
