Ish-drejtori i ARRSH, Dashamir Xhika është paraqitur ditën e sotme në ambinetet e SPAK. Pas daljes, në një prononcim të shkurtër për gazetarët ai deklaroi se ndodhej aty për një procedurë gjatë kohës që ka qenë te drejtoria e ARRSH-së.
Ndaj Xhikës rëndojnë akuza se gjatë kohës kur ka qenë drejtor i ARRSH, ka qenë i përfshirë me abuzimet më të mëdha në rrugën Tiranë-Elbasan. Ai ra në pranga më 2 shkurt të vitit 2018, për veprën penale “Korrupsion pasiv i funksionarëve të lartë shtetërorë” dhe “Shpërdorim detyre”.
Ishte ish-ministri i Transporteve në atë kohë, Damian Gjiknuri, i cili kallëzoi në prokurori, abuzimet financiare që ishin bërë nga ish-drejtuesit e ARRSH për aksin Tiranë-Elbasan. Ndërtimi i rrugës ishte parashikuar të kushtonte 407 milionë dollarë, por pas auditit të kryer nga Ministria e Infrastrukturës rezultoi se rruga Tiranë-Elbasan kishte një dëm prej 54 milionë dollarë.
Mirëpo, Xhika dhe ish-zyrtarët e tjerë të akuzuar morën pafajësi në gjykatën Penale, edhe pse në vendim nënvizohej fakti ishte kryer abuzim dhe duhet të hetohej për të gjetur përgjegjësit.
Sondazh
Lexo gjithashtu
