Lideri i Partisë së Lirisë, Ilir Meta, ka reaguar përsëri nga burgu 313 nëpërmjet rrjeteve sociale për të kritikuar projekt-buxhetin për vitin 2025, i cili tejkalon shifrën e 8 miliardë euro për shpenzimet publike.
Ilir Meta e ka cilësuar këtë buxhet si më antisocialin i cili vetëm do të shtojë varfërinë. Kreu i PL ka përmenduar disa nga pikat kryesore që përfitojnë nga buxheti ku sipas tij pensionistët nuk do të kenë rritje të pensioneve ndërsa fondi social që përfshin familjet që përfitojnë ndihmë ekonomike, është më i ulët se në buxhetin e vitit 2024.
Meta thotë se ky projekt-buxhet do të shkojë për shpenzime lluksi si dhe për investimet publike korruptive të qeverisë Rama.
Statusi i plotë:
Buxheti për vitin 2025, më antisociali, që shton varfërinë dhe korrupsionin.
1️⃣. Asnjë shtesë në fondin e pagave për politika të reja pagash.
Zero fonde për indeksim të pagave nga rritja e çmimeve.
2️⃣. Pensionistët do të diskriminohen më tej me këtë buxhet.
Fondi për politika të reja pensionesh për vitin 2025 parashikohet vetëm 1.6 miliard lekë ose rritje me 0.9% të fondit total të sigurimeve shoqërore.
Kjo do të thotë se pensionet nuk do të rriten as 1% kur vetëm niveli i inflancionit i parashikuar për vitin 2025 është 3%.
3️⃣. Jo vetëm zero rritje, por edhe ulje të fondeve të kujdesit social përfshi dhe për familjet në ndihmë ekonomike që jetojnë në varfëri të tejskashme. Nga 26,1 miliard lekë në vitin 2024, në 23,7 miliard lekë në vitin 2025.
4️⃣. Zero fond shtesë për kategorinë e të papunëve, ndërkohë numri i të papunëve rritet.
5️⃣. Zero fonde për shtresat në nevojë.
???? Pra e gjithë rritja ekonomike që është kontribut i të gjithë qytetarëve dhe taksapaguesve do të shkojë për investimet publike korruptive me kosto shumë herë mbi realen për të rritur korrupsionin.
Po kështu rritja ekonomike do të shkojë për projektet PPP me mbështetje buxhetore për të vjedhur qytetarët, si dhe do shkojë për të rritur shpenzimet administrative të luksit.
Gjithashtu edhe për të rritur shpenzimet marramendëse të shërbimit të borxhit publik që është një barrë për brezat e sotëm e të ardhshëm, që paguajnë për korrupsionin skizofrenik të Edi Ramës dhe “Rilindjes”.
Sondazh
Lexo gjithashtu
