Kreu i Grupit Parlamentar të Partisë Demikratike, Gazment Bardhi, para ambienteve të Kuvendit i ka kthyer përgjigje kreut të kësaj force politike, Lulzim Bashës, i cili mëngjesin e sotëm akuzoi kolegët e tij të opozitës se janë bërë palë me qeverinë.
Gjatë fjalës së tij Bardhi deklaroi se opozita ka mbajtur të njëjtin qëndrim për çështjen e amnistinsë penale, si në rastin edhe të Lulzim Bashës.
Bardhi theksoi se këtë të enjte në Kuvend do të miratoht për amnistinë i njëjti draft për të cilin në vitin 2014 edhe Lulzim Basha ka dhënë votën e tij.
Duke theksuar më tej, deputeti demokrat bën me dije se nga ky draft i propozuar nga opozita nuk do të përfitojë asnjë anëtar i krimit të organizuar, ndryshe nga sa ka ndodhur në 2014-tën, si dhe nuk ka asnjë zyrtar të korruptuar që do të përfshihet te përfitimet e amnistisë.
“Lajmi i mirë që zoti Basha është zgjuar që në orën 8. Sa i takon amnistisë, ka një traditë të konsoliduar për këtë rast. Në rastin konkret grupi i PD është kujdesur që drafti që votohet këtë vit, të jetë i njëjtë me draftet e mëparshme. Opozita dhe kur drejtohej nga zoti Basha ka dhënë votën pro. Asnjë anëtarë i krimit të organizuar nuk përfiton, ndryshe nga sa ka ndodhur në 2014-ën. Nuk ka asnjë zyrtar të korruptuar që do të përfshihet te përfitimet e amnistisë”, tha ai.
Kujtojmë se mëngjesin e sotëm kreu i Partisë Demokratike, Lulzim Basha reagoi në lidhje me dakordësinë e arritur mes PS dhe Rithemelimit për Amnistinë Penale. Basha këtë dakordësi e quan “Pazar”, teksa tha se nga amnistia do të përfitojnë të korruptuarit e dënuar nga SPAK dhe se po ashtu do të përjashtohen protestuesit.
“Përjashtohen nga amnistia protestuesit që kanë protestuar kundër korrupsionit qeveritar dhe kriminalizimit të shtetit”, tha Basha ndër të tjera.
Sondazh
Lexo gjithashtu
