Ikja e Agim Doçit la pas një dhimbje të madhe te të gjithë ata që patën fatin ta njohin, prekin dhe dëgjojnë krijimtarinë artistike të mjeshtërit të mijëra teksteve shqiptare.
Kryetarja e Kuvendit, Lindita Nikolla, shkruan se pavarësisht që zemra e të madhit Agim Doçi, pushoi së rrahuri mëngjesin e sotëm, ai do të vijojë të jetojë në këngët të cilave u dha jetë.
-
Mëngjes i trishtë, shuhet poeti i madh Agim Doçi!
24 Qershor, 07:46
“Zemra e Agim Doçit, poetit të talentuar, autorit të teksteve të shumë e shumë këngëve të ndjera kushtuar Shqipërisë dhe Kosovës, të dhjetra çmimeve të fituara në festivale, që i këndoi pa pushim jetës, atdheut, lirisë, dashurisë dhe njerëzve, pushoi së rrahuri. Por artisti i poezisë do të jetojë në këngët, të cilave u dha jetë. U prehsh në paqe, Mjeshtër”, shruan Nikolla.
Edhe ish-kryetari i Partisë Demokratike, Lulzim Basha, i trishtuar ka shkruar disa rreshta për largimin e parakohshëm nga jeta të poetit.
Basha e përshkruan Doçin si një personalitet të apasionuar, një shpirt të pasur dhe një tekstshkrues këngësh brilante. Sipas ish-kreut të demokratëve ai ishte shembulli i artit që mbart vlera të vërteta artistike dhe kulturore.
“I trishtuar nga lajmi për largimin e parakohshëm nga jeta i poetit të muzikës Agim Doçi!
Një personalitet i apasionuar, një shpirt i pasur dhe një tekstshkrues këngësh brilante, Doçi ishte shembull i artit që mbart vlera të vërteta artistike dhe kulturore.
Ngushëllimet e mia më të sinqerta! Mendimet dhe lutjet për familjen Doçi, të afërmit, miqtë dhe kolegët! Le të prehet në paqen e merituar!”, shkruan Basha.
Sondazh
Lexo gjithashtu
