Hapësire reklamuese

Politikë

Hetimet e SPAK për Erion Veliaj, Këlliçi nxjerr shkresat: Vendimet për inceneratorin i merrte kryebashkiaku, ku shkuan miliardat?!

Shkruar nga Newsbomb
Hetimet e SPAK për Erion Veliaj, Këlliçi nxjerr shkresat:
Belind Kelliçi denoncon Erion Veliaj

Politikani demokrat Belind Këlliçi ka vazhduar dhe sot me publikimin e dokumenteve dhe komunikimeve të reja, të cilat sipas tij provojnë se kryebashkiaku Erion Veliaj është pronari faktik i inceneratorit të Tiranës. Një aferë korruptive që ka gllabëruar miliarda lekë nga taksat e qytetarëve.

Ai tregon se Bashkia Kamëz në vitin 2018 ka firmosur një kontratë konçensionare për pastrimin, grumbullimin, ndërtimin e një stacioni dhe impianti për trajtimin e mbetjeve dhe depozitimin në landfillin e Sharrës, ku kompania do të merrte përsipër edhe pagesën Gate Fee 29 eur/ton.

Hetimet e SPAK për Erion Veliaj, Këlliçi nxjerr shkresat:
Shkresa e Taulant Tushes per inceneratorin e Tiranes

Ky konçension u fitua nga kompania Alko Impex. Siç tregohet edhe në këtë e-mail, në mars të vitit 2019, Bashkia Tiranë vihet në dijeni se mjetet e kompanisë Alko Impex ishin kapur duke depozituar mbetjet e Bashkisë Kamëz në landfillin e Sharrës, duke i deklaruar këto si mbetje të zonës së Kombinatit në Tiranë.

Belind Këlliçi thotë se mbetjey faturoheshin dhe paguheshin nga Bashkia Tiranë dhe Erion Veliaj nuk ndërmori asnjë masë.

Hetimet e SPAK për Erion Veliaj, Këlliçi nxjerr shkresat:

Në 17 nëntor të vitit 2020 publikohet emisioni "Inside Story" në një media kombëtare, ku faktohej me zë dhe me figurë se mbetjet e Kamzës depozitoheshin si mbetje të Tiranës dhe paguheshin nga Erion Veliaj.

1 javë më pas, Drejtori i Përgjithshëm i Punëve Publike në bashki Taulant Tusha, i dërgon një shkresë inceneratorit të Tiranës, për dijeni edhe kompanisë, ku i bënte me dije se nuk do të pranoheshin më depozitime për llogari të bashkisë, nëse kalohej sasia 165 ton mbetje në ditë.

"Këtu është edhe komunikimi më flagrant i punonjësve të inceneratorit Tiranë, komunikim i cili fakton përtej çdo dyshimi se shkresa e Taulant Tushës ishte nul dhe se vendimet për zbatimin e ligjit, i merrte pronari faktik i inceneratorit Erion Veliaj", thotë Belind Këlliçi.

Hetimet e SPAK për Erion Veliaj, Këlliçi nxjerr shkresat:

Në një e-mail të datës 2 dhjetor 2020, shtetasja Esjana Çadri, punonjëse e Stela Gugalles, i shkruan eprorëve të saj se si duhej të vepronte për rakordimin e sasive të mbetjeve bazuar në shkresën e Taulant Tushës.

Këtij e-maili i përgjigjet Elton Bualli, i cili përfitoi 300.000 euro nga AZHBR për ndërtimin e një sere në zemër të landfillit të Sharrës, i cili thotë shprehimisht se: "Sipas bisedës me Klodin rakordimi i javës së katërt mos të mbyllet ende derisa të mbyllen disa takime në nivele më të larta, që brenda dy ditësh të na jepet më shumë informacion."

"Këtu lind pyetja e thjeshtë. Kush është nivel më i lartë se Taulant Tusha në Bashkinë Tiranë? Sipas vetë strukturës të publikuar në faqen online të Bashkisë Tiranë, Taulant Tusha ka varësi direkte vetëm nga Kryetari i Bashkisë Erion Veliaj", thekson politikani demokrat.

Hetimet e SPAK për Erion Veliaj, Këlliçi nxjerr shkresat:

"Pra është fare e thjeshtë të kuptohet fakti se Klodian Zoto duhej të merrte urdhër nga pronari faktik i inceneratorit Erion Veliaj, për të vepruar për depozitimin e mbetjeve të Kamzës. Që të jemi të qartë, deri në prill të vitit 2024, inceneratori i Erionit nuk ka humbur asnjë cent, pasi koston financiare e ka mbuluar 100% Bashkia Tiranë.

Për të kuptuar se sa është vlera jemi bazuar në deklarimet publike të Rakip Sulit dhe planit vendor të Bashkisë Kamëz, ku thuhet se minimalisht Bashkia Kamëz ka 39.000 ton mbetje në vit, përllogaritur kjo në sasinë totale rreth 195.000 ton për periudhën 2019-2023, me një faturë financiare prej 5.6 milionë euro pa TVSH.

Erion Veliaj në dijeni të plotë, ka hequr nga buxheti i Bashkisë Tiranë mbi 6 milionë euro, për të paguar mbetjet e Kamzës, para të cilat do duhej ti paguante konçensionari. I takon tashmë SPAK të hetojë dhe faktojë nëse këto 6 milionë euro para korruptive, kanë përfunduar në llogaritë bankare të të afërmve të Erion Veliajt", përmbyll Belind Këlliçi.

Sondazh

Poll

Lexo gjithashtu

Hapësire reklamuese