Gjykata Administrative ka rrëzuar poshtë vendimin e Kuvendit për përjashtimin e deputetëve të PD nga parlamenti. Kanë qenë deputetët Flamur Noka, Gazment Bardhi dhe Bledion Nallbati, të përjashtuar për 60 ditë nga parlamenti, të cilët kanë apeluar masën disiplinore të marrë nga Kuvendi.
Përkatësisht vendimi i Gjykatës Administrative ka ulur dënimin e deputetëve të ndëshkuar me 60 ditë përjashtim nga seancat plenare, duke vendosur në fuqi masën ndëshkuese me 10 ditë. Ndërsa për deputetët e tjerë të përjashtuar me 40 ditë dhe 10 ditë është lënë në fuqi masa ndëshkuese me 5 ditë.
Në vendimin e Gjykatës Administrative, këto masa janë përcaktuar për ezaurim brenda afatit kohor nga 3 tetor deri në datën 13 tetor.
“Gjykata Administrative ka shfuqizuar vendimin e Elisa Spiropalit, e cila në shkelje të Kushtetutës dhe rregullores se kuvendit përjashtoi opozitën nga Kuvendi. Vendimi u dha me ekzekutim te përkohshëm, pra aplikohet menjëherë”, thuhet në vendimin e publikuar nga Grupi Parlamentar i PD.
Këta deputetë, janë përjashtuar nga Kuvendi pas ngjarjeve të ndodhura gjatë seancës plenare të mbajtur me datë 30 shtator pasi opozita u çua në këmbë për mosbindje civile duke kryer dhe akte dhune. Kjo masë disiplinore u mor pasi deputetët i vunë flakën karrigeve në oborrin e parlamentit ndërsa hodhën sende të forta në drejtim të kryetares së Kuvendit, Elisa Spiropali.
Kjo luftë e opozitës nisi pas arrestimit të ish-deputetit Ervin Salianji, i dënuar me 1 vit burg për kallëzim të rremë. Opozita lajmëroi menjëherë protesta dhe trazira ndërsa u zotua për rrëzimin e qeverisë aktuale dhe ngritjen e një qeverie teknike.
Lista e plotë e deputetëve të PD të përjashtuar nga Kuvendi:
1.Gazment Bardhi - 60 ditë i përjashtuar
2.Flamur Noka - 60 ditë i përjashtuar
3.Bledion Nallbati - 60 ditë i përjashtuar
4.Edi Paloka - 10 ditë i përjashtuar
5.Saimir Korreshi - 40 ditë i përjashtuar
6.Lefter Gështenja - 40 ditë i përjashtuar
7.Luan Baçi - 40 ditë i përjashtuar
8.Agron Gjekmarkaj - 40 ditë i përjashtuar
9.Dhurata Çupi - - 40 ditë i përjashtuar
10.Xhelal Mziu - 40 ditë i përjashtuar
11.Ina Zhupa - 40 ditë i përjashtuar
12.Zheni Gjergji - 40 ditë i përjashtuar
13.Helidon Bushati - 40 ditë i përjashtuar
14.Lindita Metaliaj - 40 ditë i përjashtuar
15.Ramadan Lika - 40 ditë i përjashtuar
16.Asllan Dogjani - 40 ditë i përjashtuar
17.Qani Xhafa - 40 ditë i përjashtuar
18.Flamur Hoxha - 40 ditë i përjashtuar
19.Isuf Çela - 40 ditë i përjashtuar
20.Kastriot Piroli - 40 ditë i përjashtuar
21.Lodovik Hasani - 40 ditë i përjashtuar
22.Kasem Mahmutaj -40 ditë i përjashtuar
23.Edmond Spaho - 40 ditë i përjashtuar
24.Dashnor Sula - 40 ditë i përjashtuar
Sondazh
Lexo gjithashtu
