Deputeti demokrat dhe njëherësh drejtues politik i Lezhës, Agron Gjekmarkaj ka denoncuar ministrin Ulsi Manja dhe kryebashkiakun Pjerin Ndreu, se janë duke i bërë presion administratës që të sigurojë vota nga emigrantët për zgjedhjet e 2025.
"Qeveria në ikje dhe oborrtarët e saj në çdo sektor shtetërorë po përdorin presion mbi çdo punëmarrës për të manipuluar zgjedhjet e ardhshme. Si deputet dhe drejtues politik i Qarkut të Lezhës, i bëj thirrje organeve të hetimit të vejnë para drejtësisë personat përgjegjës", shkruan ai.
Agron Gjekmarkaj publikon denoncimin dhe thotë se persona të njohur të "Dosjes 184" po i bëjnë presion administratës për të mbledhur vota, ndryshe largohen nga puna. Sipas tij, Ulsi Manja si drejtues politik i Lezhës dhe kryebashkiaku socialist Pjerin Ndreu nuk e ndryshojnë dot vullnetin e popullit.
Deputeti demokrat paralajmëron kallëzime në SPAK për të gjithë ata zyrtarë që ushtrojnë presion mbi administratën, për të mbledhur secili nga 5 vota për zgjedhjet e ardhshme nga diaspora.
"Po ashtu një thirrje per drejtuesit e administratës arsimore në Lezhe, Kurbin e Mirdite të zbatojnë ligjin dhe të mos shantazhojnë mësuesit për sjelljet apo bindjet e tyre politike në kohë të lirë! Janë aq arrogantë sa nuk i fshehin as gjurmët", vijon denoncimi i Agron Gjekmarkaj.
Sondazh
Lexo gjithashtu
