Hapësire reklamuese

Politikë

Elisa Spiropali i del në mbrojtje Ramës: Emisioni i RAI-t, një pabesi ndaj shqiptarëve

Shkruar nga Newsbomb

Elisa Spiropali i del në mbrojtje Ramës: Emisioni i RAI-t, një

Ministrja Elisa Spiropali ka ndarë në rrjetet sociale kërkesën e bërë nga deputetja e opozitës, Ina Zhupa, e cila ka kërkuar që përtej interpelancës në Kuvend, reportazhi i Rai 3 të diskutohet edhe në në Komisionin për Edukimin dhe Mjetet e Informimit Publik.

Me nota ironie Spiropali shkruan se Ina Zhupa që “ka qëndisur këtë çarçaf për komisionin e mediave, kërkon të na e vërë përpara në tabaka Shqipërinë e përbaltur nga ai emision italian i gatuar në Tiranë, për të na kërkuar hesap për gënjeshtrat dhe shpifjet e palës që ajo përfaqëson”.

Plani i ahengut për t’iu gëzuar sulmit mbi Shqipërinë në RAI3, pas mbështetjes së tij me municion nga rruga e humbur e Shpresës së të pashpresëve, qenka i shtrirë edhe përtej kërkesës për interpelancë urgjente me kryeministrin.

Zonja që ka qëndisur këtë çarçaf për komisionin e mediave, kërkon të na e vërë përpara në tabaka Shqipërinë e përbaltur nga ai emision italian i gatuar në Tiranë, për të na kërkuar hesap për gënjeshtrat dhe shpifjet e palës që ajo përfaqëson. E ndaj këtë me ju për t’ua lënë juve ta gjykoni se deri ku shkojnë këta kolegë pa dhe me vulë për të damkosur Shqipërinë që të helmojnë shqiptarët në kërkim të rrugës së humbur të saj e të kolegëve të saj që e kanë pagëzuar me emrin Shpresa.

Ndërkohë mund t’u them se mund ta vazhdojnë pa ne, ushqimin e Shpresës së tyre me këtë histori të shëmtuar pabesie ndaj Shqipërisë dhe shqiptarëve, me të cilët janë deri në fyt të mbytur me borxhe,” shkruan Spiropali në rrjetet sociale.

Elisa Spiropali i del në mbrojtje Ramës: Emisioni i RAI-t, një

Sondazh

Poll

Lexo gjithashtu

Hapësire reklamuese