Hapësire reklamuese

Politikë

Edi Rama paralajmëron konferencë të jashtëzakonshme: Të përballemi me faktet, mos kemi frikë nga drita

Shkruar nga Newsbomb
Edi Rama paralajmëron konferencë të jashtëzakonshme: Të
Edi Rama

Kryeministri Edi Rama këtë të hënë ka marrë pjesë në konferencën Ndërkombëtare të Komisionerëve të Informimit, forumi më i lartë dhe më i rëndësishëm i bashkëpunimit e koordinimit të Autoriteteve botërore rregullatore të së drejtës për akses në informacionin publik dhe transparencën.

Fjalën e tij kryeministri Rama e nisi duke thënë se “nuk duhet të kemi frikë nga drita, por ta përqafojmë atë”.

Teksa më tej ai paralajmëroi se në fund të qershorit do të mbahet një konferencë e jashtëzakonshme mbi të drejtën për informim. Kreu i qeverisë theksoi se do të ketë një ballafaqim mes fakteve, ndërmjet asaj që shkruhet me ligj dhe asaj që zbatohet.

“Shumë shpejt, në fund të qershorit do të mbaj një konferencë të jashtëzakonshme për të drejtën e informimit. Një ballafaqim mes fakteve, institucioneve, ndërmjet çfarë shkruhet në ligjet tona dhe çfarë zbatohet”, tha Rama ndër të tjera.

 “Sfida është si të bëjmë që të rriturit të mos i tremben dritës e si ti bëjmë qeveritë e institucionet shtetërore të mos i tremben dritës. Dua të shtoj se e drejta për informim është parakusht për shëndetin e zhvillimin e demokracive funskionale.

I kënaqur të shoh progresin në transperencë, por i vetëdijshëm që ky përparim thotë shumë për atë prej nga vijmë e tregon se nuk është mjaftueshëm krahasuar me aty ku duam të arrijmë. Ndaj shumë shpejt, në fund të qershorit do të mbajmë një konferencë të jashtëzakonshme për të drejtën e informimit që e kemi konceptuar si ballafaqim mes fakteve dhe institucioneve. Mes asaj që shkruhet në ligjet tona dhe asaj që zbatohet.

Hendeku mes hartimit të ligjeve dhe zbatimit, është sfidë për shumë prej nesh sepse jemi vende e njerëz që ndajmë një mendësi kur flitet për të drejtën e informimit. Nuk jemi suedezë, jemi të vetëdijshëm”, tha ai.

Sondazh

Poll

Lexo gjithashtu

Hapësire reklamuese