Agron Shehaj, i vetmi deputet që voti kundër amnistisë penale në Kuvend, ka pasur një debat me tone të larta me ministrin e Drejtësisë, Ulsi Manja.
Sipas deputetit të pavarur, ministri i Drejtësisë ka gënjyer shqiptarët paturpërisht, pasi janë liruar nga burgu edhe zyrtarë të korruptuar. Ai ka sfiduar ministrin të japë dorëheqjen, por është hasur me reagimin e ashpër të Manjas, i cili i ka bërë me shenjë se do i shkulë veshët.
Pjesë nga debati:
Agron Shehaj: Ministri e qeveria kanë gënjyer në mënyrë më të pamoralshme opinionin publik. Tre javë më parë deklaroi se nuk do të përfitojë asnjë i korruptuar, më pas thotë SPAK thotë kanë përfituar. Ti Manja mos e vrit mendjen se nuk e pret njeri dorëheqjen. Unë jam hajdut?!
Ulsi Manja: Hajdut...legen.
Ministri Ulsi Manja i është kundërpërgjigjur me tone të larta nga karrigia, por nuk dëgjohet pasi ka mikrofon të mbyllur.
Agron Shehaj: Unë jam hajdut?! Ti liron të korruptuarit?! Do të thuash që nuk është e vërtetë? Je burrë, jep dorëheqjen. Erdhe këtu dhe gënjeve, mashtrues, jep dorëheqjen, nëse je burrë. Nuk të vjen mirë që gënjeve këtu. Të pëlqen të gënjesh.
Do më shkulësh veshët mua ti (Manja e pohon me kokë), Ministër i Drejtësisë që liron të korruptuarit. Gënjen e nuk ka cfarë thotë.
Sondazh
Lexo gjithashtu
