Hapësire reklamuese

Politikë

Berisha nuk i ndahet Altin Dumanit, i nxjerr dosjet që ka hetuar 16 vite më parë

Shkruar nga Newsbomb
Berisha nuk i ndahet Altin Dumanit, i nxjerr dosjet që ka hetuar 16 vite
Sali Berisha

Kryetari i Partisë Demokratike, Sali Berisha ka mbajtur një deklaratë të shkurtër për mediat, ku ka folur përsëri për Altin Dumanin dhe punën e tij në krye të Prokuorisë së Posaçme.

Teksa bëri publike disa shifra për dosjet e hetura nga SPAK, Berisha tha se në vitet 2022-2023 ka hetuar 392 çështje me 199 të dënuar.

Kreu i PD, e krahasoi këtë shifër referuar me kohën kur Dumani drejtonte Task Force kundër korrupsioni. Berisha tha se në vitet 2008-2009, Altin Dumani ka hetuar 1430 çështje me 630 të dënuar.

 “Sot kur Shqipëria është e zhytur në një korrupsion të lemeritshëm është më e rëndësishme se kurrë të sjell në vëmendjen tuaj, disa krahasime, bazuar në faktin se, sipas një rregulli të memories, gjërat harrohen shumë më lehtë, se sa mbahen mend.

Pikërisht për këtë arsye, unë do të sjell në vëmendjen tuaj, një analizë krahasuese me tregues konkret të luftës kundër korrupsionit në vitet 2008-2009, me këtë luftë në vitet 2022-2023.

Të dhënat e viteve 2008-2009 janë të gjitha të publikuara në raportet e Departamentit të Shtetit të vitit 2010-2011. Kurse të dhënat e viteve 2022-2023, janë në raportet e Skapit. Mund të pyesni pse janë zgjedhur këto dy periudha.

Jo pa qëllim. Në këto dy periudha, i njëjti person ka qenë bë 2008-2009, drejtues i Task Forces të luftës kundër korrupsionit, në vitet 2022-2023, drejtues i SPAK. Krahasimi i veprimtarisë së këtyre dy njësive me një 0drejtues flet për shkallën e degradimit të madh të luftës kundër korrupsionit me drejtësinë e re.

Kështu në vitet 2008-2009, Task Forca kundër korrupsionit regjistroi gjithsej në 2 vite, 1430 çështje, kundër 392 çështje që regjistroi totalisht në vitet 2022-2023. Me të drejtë, mund të shtrohet pyetja sa nga këto çështje u dërguan në gjykatë në atë periudhë dhe në vitet 2022-2023.

Në vitin 2008 u dërguan në gjykatë gjithsej 154 çështje. Në vitin 2023 u dërguan në gjykatë gjithsej 38 çështje. Pra 4 herë më pak. Kurse të marra së bashku, në dy vitet 2022-2023, u dërguan në gjykatë 95 çështje, kundrejt 365 çështjeve që u dërguan në gjykatë në vitet 2008-2009”, tha Berisha.

 

Sondazh

Poll

Lexo gjithashtu

Hapësire reklamuese