Hapësire reklamuese

Politikë

Berisha i “mbyll” derën në PD, Basha: Dera e shtëpisë e Berishës nuk është e demokratëve

Shkruar nga Newsbomb
Berisha i “mbyll” derën në PD, Basha: Dera e
Fotomontazh: Lulzim Basha dhe Sali Berisha

Kryetari i PD, Sali Berisha nuk ka ndryshuar qëndrim ndaj Lulzim Bashës, duke theksuar se e ka derën e mbyllur për të qenë pjesë e grupit parlamentar të PD.

Pas këtyre deklaratave, ka reaguar në rrjetet sociale Lulzim Basha, i cili para pak ditësh humbi vulën e PD. Basha shkruan Berishës i mbeti vula në dorë, por dera e shtëpisë politike të Berishës nuk është dera e demokratëve, por e hallexhinjëve të SPAK-ut dhe të dëshpëruarve për një karrige.

Postimi i plotë i Bashës:

E kuptoj që Sali Berishës i ka mbetur vula në dorë dhe i duhet të rishpikë armiq të jashtëm e të brendshëm. Pazari me Ramën për t’i lënë atij pushtetin, është goditja më e rëndë ndaj demokratëve dhe shqiptarëve. Asnjë mashtrim nuk e mbulon dot këtë pazar të turpshëm.

Sot nuk ka shqiptar që nuk e di se vula e PD-së u përdor si plaçkë në pazarin e radhës mes Ramës dhe Berishës.

Berishës i duhet vula për t’i përdorur demokratët që ende i shkojnë nga pas si mburojë para drejtësisë, SHBA-së dhe Britanisë se Madhe, dhe në këmbim, Rama mban pushtetin për të shtyrë llogaridhënien për korrupsionin që ka mbërthyer për fyti Shqipërinë.

Prandaj dera e shtëpisë politike të Berishës nuk është dera e demokratëve, por e hallexhinjëve të SPAK-ut dhe të dëshpëruarve për një karrige.

Ajo nuk është dhe as nuk do të jetë dera ime dhe as rruga e demokratëve dhe shqiptarëve që duan ndryshim.

Sondazh

Poll

Lexo gjithashtu

Hapësire reklamuese