Ambasadori i Shqipërisë në Mbretërinë e Holandës, Artur Kuko ka organizuar një takim të veçantë në selinë diplomatike në Hagë. Ai ka ftuar ambasadorët e vendeve të Ballkanit Perëndimor në selinë shqiptare dhe ministrin e Jashtëm të Holandës, Caspar Veldkamp.
Shefi i diplomacisë holandeze e jep vetë këtë lajm mbi takimin e veçantë dhe thotë se vendi i tij i vlerëson lidhjet me shtetet e Ballkanit Perëndimor.
"Holanda vlerëson lidhjet e saj me Ballkanin Perëndimor. Ne bashkëpunojmë në shumë fusha, duke përfshirë sigurinë dhe luftimin e migracionit të parregullt. Sot u takova me ambasadorët e tyre në Hagë për të nënvizuar angazhimin tim ndaj partneritetit tonë", shkruan Caspar Veldkamp.
Ministri i Jashtëm i Holandës falenderon ambasadorin shqiptar Artur Kuko për organizimin e veçantë dhe thekson rëndësinë e reformave kyçe për vendet e rajonit tonë që synojnë anëtarësimin në BE.
"Theksova rëndësinë e reformave kyçe në dritën e kritereve të Kopenhagës të BE-së në lidhje me sundimin e ligjit dhe konfirmova mbështetjen tonë për përpjekjet e tyre në këtë fushë. Faleminderit ambasadorit shqiptar Kuko për pritjen e takimit të sotëm", shkruan ministri Caspar Veldkamp.
Edhe Ambasada e Shqipërisë në Holandë ka reaguar për takimin dhe falenderon shefin e diplomacisë holandeze, për mbështetjen që vendi i tij u jep vendeve të Ballkanit Perëndimor.
"Faleminderit ministër Caspar Veldkamp për mbështetjen tuaj të palëkundur dhe dialogun kuptimplotë me ambasadorët e Ballkanit Perëndimor. I organizuar nga Ambasada shqiptare në Hagë, ky takim përforcoi rëndësinë e partneritetit për sigurinë, migracionin dhe avancimin e reformave kyçe për integrimin në BE", shkruan Ambasada Shqiptare.
Thank you, @ministerBZ for your unwavering support and meaningful dialogue with the #WB Ambassadors. Hosted by the ???????? Embassy in The Hague, this meeting reinforced the importance of partnership on security, migration, and advancing key reforms for EU integration @AlbanianDiplo pic.twitter.com/cL9duxCVAt
— ALEmbassyNetherlands (@AlEmbNederland) December 2, 2024
Sondazh
Lexo gjithashtu
