Teksa kanë kaluar 10 ditë nga atentati në Dobraç të Shkodrës, ish-kryeministri Sali Berisha ka bërë akuzën e fortë duke thënë se “banda Bajri” është autorizuar që të pastrojë terrenin për zgjedhjet e 2025-ës.
Në një deklaratë për mediat ai tha se që ditën e parë të kësaj ngjarje iu drejtua shqiptarëve duke thënë se “ishte një masakër me licencë qeveritare të Edi Ramës”.
Sipas ish-kryeministrit “banda Bajri” është autorizuar nga kreu i qeverisë që të pastrojë terrenin për të siguruar mandatin për Edi Ramën.
“Banda Bajri në kundërshpërblim për shërbimet kriminale që i bën Edi Ramës, qeverisë së tij, është autorizuar të pastrojë sipas gjuhës së tyre, terrenin nga çdo lloj vështirësie që mund të ketë për të siguruar mandatin”, tha ai.
FJALA E BERISHËS
Mirëdita dhe përshëndetje të përzemërt gazetareve dhe gazetarëve të pranishëm në sallë që ndjekin këtë konferencë shtypi, qytetarëve kudo që ndodhen.
Kaluan 10 ditë nga masakra e Shkodrës, në të cilën 4 qytetarë të pafajshëm u ekzekutuan në rrugët kryesore të qytetit në mesditë dhe gjer sot nuk ekziston asnjë pistë për hetimin e kësaj ngjarje, për shkakun e vetëm se pista e vetme është pista shtetërore.
Që ditën e parë, informova shqiptarët se kjo ishte një masakër me licencë qeveritare të Edi Ramës sepse banda Bajri është banda, e cila rrëmbeu mandatin e kryetarit të bashkisë dhe i është betuar Edi Ramës se do i garantojë mandatin në Shkodër me dhunë dhe terror.
Banda Bajri në kundërshpërblim për shërbimet kriminale që i bën Edi Ramës, qeverisë së tij, është autorizuar të pastrojë sipas gjuhës së tyre, terrenin nga çdo lloj vështirësie që mund të ketë për të siguruar mandatin.
Sondazh
Lexo gjithashtu
