Sekretari i Përgjithshëm i Partisë së Lirisë, Tedi Blushi ka marrë pjesë pasditen e kësaj të premte në protestën e mbajtur nga opozitarët në Bulevardin e Ri për të ngritur zërin lidhur me zgjedhjet e 11 Majit, të cilat i kanë cilësuar si të “vjedhura nga narkoshteti”.
I pyetur nga gazetarët nëse do të tërhiqet nga mandati i tij, me qëllim që në vend të tij të futet në Parlament kreu i PL-së, Ilir Meta, Blushi vendosi që të mos jepte asnjë përgjigje konkrete, por siguroi se në asnjë moment strukturat e kësaj force politike dhe vetë ai nuk kanë punuar kundër presidentit të tyre.
“Ju lutem të respektojmë protestën e qytetarëve për lirinë e votës. Të jeni të sigurt që Tedi Blushi dhe struktura e Partisë së Lirisë nuk kanë punuar asnjë ditë kundër Ilir Metës. Këtë pyetje duhet t’ia bëni atyre që kanë punuar ditë e natë kundër Ilir Metës. Ju e dini kush fshihet mbrapa, në kohën e duhur do i keni edhe këto përgjigje”, tha sekretari i përgjithshëm i Partisë së Lirisë.
Sondazh
Lexo gjithashtu
