Policia turke dhe skuadrat kundër terrorizmit kanë arrestuar 304 persona të dyshuar për lidhje me grupin terrorist të Shtetit Islamik ISIS. Operacioni me emrin e koduar “Heroes-34” u krye bashkërisht nga policia dhe njësia anti-terroriste në 32 provinca dhe numri më i madh i arrestimeve ishte në tre qytetet më të mëdha, Stamboll, Ankara dhe Izmir, - deklaroi Ministri i Brendshëm Ali Yerlikaya në X (ish-Tëitter) sot. “Ne nuk do të lejojmë asnjë terrorist të kërcënojë paqen dhe unitetin e popullit tonë. Ne do të vazhdojmë betejën tonë me përpjekjet intensive të forcave tona të sigurisë ”, - u shpreh ai. Policia turke nuk ka zbardhur kombësinë e të arrestuarve. 302 personat, të dyshuar si grup militant kanë kryer një sërë sulmesh vdekjeprurëse në të gjithë Turqinë në të kaluarën, duke përfshirë një sulm me armë në një klub nate të Stambollit më 1 janar të vitit 2017, ku humbën jetën 39 persona. Nuk dihet nëse operacioni i arrestimit ishte pjesë e sigurisë së shtuar përpara festave të Vitit të Ri.

32 İlde DEAŞ Terör Örgütüne yönelik eş zamanlı olarak düzenlenen “KAHRAMANLAR-34” Operasyonlarında 3⃣0⃣4⃣ şahıs yakalandı❗ Aziz Milletimizin huzuru, birlik ve beraberliği için teröristlerin hiçbirine göz açtırmayacağız. Güvenlik güçlerimizin üstün gayretleriyle mücadelemize… pic.twitter.com/WKlpZVGMeN

— Ali Yerlikaya (@AliYerlikaya) December 22, 2023