Një shpërthim me tritol është regjistruar në orët e vona të mbrëmjes edhe në Fushë Krujë. Pas ngjarjes në Lushnjë, ku makina e një tregtari u hodh në erë me lëndë plasëse teksa qëndronte e parkuar para shtëpisë, një ngjarje e dytë raportohet në lagjen "Magaze".
Policia bën me dije se në oborrin e shtëpisë së shtetasit M. B., 54 vjeç, ka shpërthyer një sasi e vogël tritoli, e cila shkaktuar dëme të vogla materiale dhe fatmirësisht nuk ka persona të lënduar.
"Rreth orës 22:40, në lagjen "Magaze", Fushë Krujë, në oborrin e banesës së shtetasit M. B., 54 vjeç, ka shpërthyer një sasi e vogël e dyshuar lëndë plasëse, duke shkaktuar dëme të vogla materiale.
Grupi hetimor ndodhet në vendngjarje dhe po punon për sqarimin e rrethanave të ngjarjes, me qëllim identifikimin dhe kapjen e autorit/ëve", thuhet në njoftimin për media të Policisë së Shtetit.