Policia kufitare ka shpëtuar mbrëmjen e sotme 2 shtetas të cilët rrezikuan jetën në ujërat detare të Dhërmiut.
Mësohet se dy personat kishin dalë në det për të lundruar. Era e ka shtyrë gomonen në thellësi të detit.
Njoftimi i policisë:
Himarë
Policia Kufitare u dha ndihmë 2 shtetasve, të cilët rrezikuan jetën në ujërat detare të Dhërmiut
Sot, rreth orës 13:45, pas njoftimit të marrë se 2 persona rrezikonin jetën në det për shkak të erës, menjëherë u organizua puna dhe shërbimet e Policisë Kufitare të Stacionit Policor Dhërmi bënë të mundur shpëtimin e dy pushuesve.
Ata kishin dalë me gomonen (pa motorr) për të lundruar, por për shkak të kohës së paqëndrueshme, i kishte shtyrë era e madhe në thellësi të detit.