Tirana
clear sky
5.5 ° C
5.5 °
5.5 °
31 %
5.1kmh
0 %
Sht
5 °
Die
5 °
Hën
3 °
Mar
4 °
Mër
6 °
E shtunë, 22 Janar, 2022

Policia Kriminale zbardh operacionin në “Call Center”: Kemi arrestuar pronarin e “RG Kapital” dhe 35 operatorë “forex”, janë mashtruar 2 milionë shtetas të huaj

spot_img
spot_img
spot_img

Lajme të ngjashëm

Rafael Genish, pronar i kompanisë izraelite të call centerave “RG Kapital”, është arrestuar nga Policia e Tiranës në kushtet e flagrancës, në kuadër të operacionit “call center”. Bashkë me të kanë rënë në pranga dhe 35 persona të tjerë, të cilët punonin në këtë kompani “forex”.

Referuar deklaratës së drejtorit të Policisë Kriminale Tonin Vocaj, në bashkëpunim me partnerët është zbardhur skema e mashtrimit që drejtohej nga Rafael Genish, pronari i “RG Kapital”. Më shumë se 2 milionë shtetas të huaj kanë rënë pre e mashtrimit përmes call centerit të tij dhe kanë investuar shuma të mëdha parash.

U realizua operacioni i kodar “Komunikimi”, ku u kontrolluan disa ambiente dhe u arrestuan në flagrancë:

  • 35 shtetas
  • Njëri është shtetas i huaj, Rafael Genish. Ky shtetas izraelit është organizatori i kësaj skeme mashtrimi
  • 20 të proceduar
  • Janë sekuestruar 123 kompjutera, 60 telefona, 3 laptop, 2 usb, karta banke, dhe një sasi e vogël hashash
  • Janë identifikuar të dhëna të shtetasve të huaj, për ti komunikuar ata dhe të përfitonin shuma të ndryshme, që varionin nga 500 euro e sipër.
  • Personat e mashtruar janë mbi 2 milion.

Operacioni – Deklarate per mediat nga Policia e Shtetit

Drejtori i Departamentit të Policisë Kriminale në Policinë e Shtetit Tonin Vocaj, së bashku me prokuroren e Rrethit Gjyqësor Tiranë Elisabeta Imeraj, konferencë për shtyp për operacionin policor të koduar “Komunikimi”.

Njësia C për Hetimin e Krimeve Kompjuterike në Drejtorinë Hetimore në Departamentin e Policisë Kriminale në Drejtorinë e Përgjithshme e Policisë së Shtetit, nën drejtimin e Prokurorisë së Rrethit Gjyqësor Tiranë, nga data 23.12.2021 deri më 24.12.2021 ka realizuar operacionin policor të koduar “Komunikimi”.

Njësia e Hetimit të Krimeve Kibernetike, në bazë të informacioneve të marra dhe duke u koordinuar me partnerët e saj, ka evidentuar dhe ka filluar hetimet së bashku me Prokurorinë e Rrethit Gjyqësor Tiranë, në lidhje më një aktivitet kriminal në fushën e mashtrimeve kompjuterike, e cila kishte të bënte më mashtrimin e shtetasve të huaj nëpërmjet rrjetit kompjuterik.

Nga hetimet e zhvilluara rezultonte se prej disa vitesh një subjekt tregtar nën emërtimin “RG Capital“ zhvillonte aktivitetin e tij në fushën e qendrave të thirrjeve telefonike ose siç njihet në vendin tonë “Call center“. Nga bashkëpunimi i ngushtë me partnerët u arrit të evidentoheshin viktima të kësaj veprimtarie kriminale jashtë territorit të Republikës së Shqipërisë.

Hetimet intensive prej disa muajsh të zhvilluara në vendin tonë bënë të mundur identifikimin e drejtuesve të këtij subjekti, skemën e funksionimit, si dhe fushën e bashkëpunimit të personave që merreshin me këtë aktivitet kriminal.

Nga veprimet hetimore të kryera, si dhe nga ndërhyrja policore në subjektin “RG Capital“, nga ana e Njësisë së Hetimit të Krimeve kibernetike, e mbështetur dhe nga strukturat e tjera të Drejtorisë Hetimore në Departamentin e Policisë Kriminale dhe të Drejtorisë Vendore të Policisë Tiranë u realizua operacioni policor “KOMUNIKIMI“, ku u kontrolluan disa ambjente në ekzekutim të vendimit të Gjykatës së Shkallës së Parë Tiranë.

U arrestuan në flagrancë 35 shtetas, nga të cilët njëri i huaj, konkretisht shtetasi izraelit Refael Genish, i cili nga hetimet ka rezultuar se është organizatori i kësaj veprimtarie kriminale, si dhe u proceduan në gjendje të lirë 20 shtetas.

Në cilësinë e provës materiale u sekuestruan:

123 pajisje kompjuterike

60 pajisje të telefonisë së lëvizshme

3 laptop

2 USB

karta të bardha të ngjashme me ato të bankave

një sasi e vogël lënde narkotike e llojit cannabis sattiva.

Gjithashtu deri më tani janë identifikuar të dhënat personale të shumë shtetasve të huaj të cilat janë përdorur për t‘i kontaktuar këta shtetas dhe më pas t‘i tërhiqnin drejt skemës së mashtrimit kompjuterik, duke përfituar shuma të ndryshme vlerash monetare të cilat varionin nga 500 euro e sipër. Personat e kontaktuar nga kjo skemë mashtrimi janë mbi 2 milionë dhe ndodhen në shtete të ndryshme të botës.

Hetimet vazhdojnë dhe për të rejat e këtij hetimi do të kemi komunikime të tjera.

spot_imgspot_img

Më shumë

spot_imgspot_img
spot_img
spot_img
spot_img
spot_img