Ditën e sotme ka ndërruar jetë 50-vjeçari Faik Përkoxha i cili pak ditë më parë u arrestua për keqtrajtimin e një qeni.
Ai u fotografua teksa me makinë po tërhiqte zvarrë qenin e tij, ndërsa pamjet rrëqethëse bënë bujë në rrjetet sociale.
50-vjeçari, ndonëse me banim në Sukth, ka ndërruar jetë ditën e sotme rreth orës 15:00 në qytetin e Peshkopisë.
Pas vdekjes së tij pati zëra se u vetëvra, por policia sqaron se ai u dërgua në spital pa shenja jete, dhe dyshohet se kjo ka ndodhur si pasojë e një infarkti në zemër.
Njoftimi i policisë:
Dibër / informacion paraprak
Më datë 22.09.2020, është transportuar për në spitalin e Peshkopisë nga familjarët shtetasi F. P., rreth 50 vjeç, banues në Sukth, Durrës, pa shenja jete, i cili nga hetimet paraprake të kryera dyshohet se ka humbur jetën si pasojë e infraktit, në banesën e një miku të familjes.
Grupi hetimor vijon hetimet për zbardhjen e shkaqeve të ngjarjes.