Hapësire reklamuese

Aktualitet

Policia identifikon autorin dhe zbardh plagosjen me armë në Shkodër

Shkruar nga Newsbomb
Policia identifikon autorin dhe zbardh plagosjen me armë në

Dedë Bici, një 59 vjeçar nga Lezha, është identifikuar nga Policia e Shkodrës si autor i të shtënave me armë mëngjesin e kësaj të hëne. Bici, ka qëlluar katër herë me pistoletë në drejtim të të njohurit të tij, Aleksandër Curri duke e lënë të plagosur në rrugë.

Fatmirësisht, 40 vjeçari i plagosur nga një lypëse që ishte në zonë dhe mënjëherë në vendngjarje ka mbërritur Policia dhe ekipi i emergjencës.

Aleksandër Curri ndodhet në spital, nën kujdesin e mjekëve, ndërsa grupi hetimor i Shkodrës ka kryer veprime të shpejta hetimore dhe me ndihmën e informacioneve të siguruara nga inteligjenca policore ka identifikuar e shpallur në kërkim autorin, Dedë Bici.

Nga veprimet e para hetimore dyshohet se shtetasi Dedë Bici e ka plagosur shtetasin Aleksandër Curri, për shkak të një borxhi që i kishte ky i fundit. Shërbimet e Policisë po vijojnë kontrollin e zonës, me qëllim lokalizimin dhe kapjen e shtetasit Dedë Bici.

Shkodër/Informacion shtesë

"Në vijim të informacionit të dhënë pak më parë, për plagosjen e shtetasit Aleksandër Curri, 40 vjeç, i cili vijon të jetë në kujdesin e mjekëve, informojmë se si rezultat i veprimeve të shpejta hetimore dhe i informacioneve të siguruara nga inteligjenca policore, është bërë i mundur identifikimi i autorit të dyshuar të plagosjes, shtetasit Dedë Bici, 59 vjeç, banues në Lezhë.  

Nga veprimet e para hetimore dyshohet se shtetasi Dedë Bici e ka plagosur shtetasin Aleksandër Curri, për shkak të një borxhi që i kishte ky i fundit. Shërbimet e Policisë po vijojnë kontrollin e zonës, me qëllim lokalizimin dhe kapjen e shtetasit Dedë Bici."

Sondazh

Poll

Lexo gjithashtu

Hapësire reklamuese